امریکہ، شہد کی 20 ہزار مکھیوں کانشانہ بننے والا نوجوان موت کے منہ سے باہرآگیا

فوٹو:انٹرنیٹ

واشنگٹن: امریکہ میں شہد کی 20 ہزار زہریلی مکھیوں (امریکن کلر بی) کے کاٹنے کے باوجود نوجوان موت کو چھو کر واپس زندگی کی طرف لوٹ گیا۔

غیر ملکی میڈیا کے مطابق زہریلی مکھیوں کے ڈنک مارنے کا واقعہ امریکی ریاست اوہائیو میں پیش آیا جہاں ایک 20 سالہ نوجوان گھر کے باغ میں لگے درخت کی کٹائی کررہا تھا۔

نوجوان کو اندازہ نہیں تھا کہ درخت میں شہد کی (افریقین کلرز بی) نامی زہریلی مکھیوں کا چھتا ہے۔اس دوران بے دھیانی میں نوجوان نے درخت کی ٹہنی کے ساتھ چھتا بھی کاٹ دیا جس کے باعث شہد کی مکھیوں نے آسٹن بیلامی نامی نوجوان پر حملہ کردیا۔

متاثرہ شخص کی والدہ کا کہنا ہے کہ جب مکھیوں نے آسٹن پر حملہ کیا تو ایسا لگ رہا تھا کہ جیسے آسٹن نے سر، گردن اور بازوو¿ں پر کمبل اوڑھ رکھا ہو۔

آسٹن کی ماں کا کہنا ہے کہ اسے فوری طور پر ایئرایمبولینس کے ذریعے اسپتال منتقل کیا گیا جہاں وہ دوران علاج کوما میں چلا گیا تھا جو ایک ہفتے بعد دوبارہ ہوش میں آیا۔

آسٹن کی والدہ نے میڈیا کو بتایا کہ اس کا بیٹا موت کو چھو کر واپس لوٹا ہے جسے 20 ہزار سے زائد مکھیوں نے ڈنک مارا تھا۔