اسلام آباد: عوامی مسلم لیگ کے سربراہ اور سابق وزیر داخلہ شیخ رشید کا کہنا ہے زمینی طاقتیں ، 15جماعتیں اتحادی ہیں ، آسمانی طاقت اور عوام عمران خان کے ساتھ ہیں قرضے کے لیے بھی آرمی چیف کو فون کرنے پڑ رہے ہیں۔
سماجی رابطے کی ویب سائٹ ٹویٹر پر شیخ رشید نے کہا کہ اب تک کی ساری آئینی ترامیم ملک کے لیے نہیں اپنی ذات اور مفاد کے لیے کی ہیں، اگست کا مہینہ اہم ہے۔
ملک ڈیفالٹ کی طرف جارہاہے۔زرمبادلہ کے زخائر ترسیلات اور ایکسپورٹ کم ہورہی ہیں۔وزیرخزانہ ایک ہفتے ٹیکس لگاتے ہیں دوسرےہفتے اٹھا لیتے ہیں۔اب تک کی ساری آئینی ترامیم ملک کے لیے نہی اپنی ذات اورمفاد کے لیے کی ہیں،حتی کہ قرضے کے لیےبھی آرمی چیف کو فون کرنے پڑرہے ہیں۔اگست اہم مہینہ ہے
— Sheikh Rashid Ahmed (@ShkhRasheed) August 7, 2022
انہوں نے کہا کہ ملک ڈیفالٹ کی طرف جا رہا ہے، زرمبادلہ کے ذخائر، ترسیلات اور ایکسپورٹ کم ہو رہی ہیں۔ وزیر خزانہ ایک ہفتے ٹیکس لگاتے ہیں اور دوسرے ہفتے اٹھا لیتے ہیں۔
شیخ رشید نے کہا کہ سیاستدان اپنے گندے کپڑے میڈیا میں دھو رہے ہیں، سیلاب کی تصاویر بنوانے پر زور اور اسٹیٹ بینک کا گورنر مقرر کرنے کا وقت نہیں۔
شیخ رشید احمد نے کہا کہ زمینی طاقتیں 15حکمران پارٹیوں کے ساتھ ہیں، آسمانی طاقت اور عوام عمران خان کے ساتھ ہیں۔ الیکشن کمیشن کے مفروضوں اور تضادات کے پیچھے شریفوں اور زرداری کا چہرہ ہے۔
Comments are closed.