فوٹو: اے ایف پی
کابل( ویب ڈیسک)امریکی فوجیوں کی طرف سے کابل ایئر پورٹ پر امڈ آنے والے ہجوم کو منتشر کرنے کیلئے فائرنگ کرنے کی تصدیق نہ ہو سکی، مبینہ طور پر 5 افراد کی ہلاکتیں بھگدڑ مچنے اور جہاز سے لٹک کر سفر کرنے کی کوشش میں گر کر ہوئی ہیں ۔
اے ایف پی کے مطابق ایئر پورٹ پر ہوائی فائرنگ بھی کی گئی جس کے بعد ایئر پورٹ پر بھگڈر مچ گئی ،برطانوی میڈیاکے مطابق افراتفری کے بعد کابل کے انٹرنیشنل ایئرپورٹ کو بند کر دیا گیا ہے اور تمام کمرشل پروازیں بھی منسوخ کردی گئی ہیں۔
اے ایف پی کے مطابق پیر کو امریکی فوجیوں نے کابل ایئرپورٹ پر اس وقت فائرنگ کر دی جب ہزاروں شہری افغانستان سے باہر جانے والی فلائٹس پکڑنے کے لیے ایئرپورٹ پر موجود تھے۔
its the Strange Situation, when you know this is an Army aircraft and public can't travel,then why are these people running on runway? pic.twitter.com/nGOcBgdLwi
— Mehboob ur Rehman Tanoli (@MehboobTanoli) August 16, 2021
رپورٹس کے مطابق اس حوالے سے امریکی عہدیدار نے بتایا ہے کہ کابل ایئر پورٹ پر امریکی فورسز نے ملٹری پروازوں میں افغان عوام کو چڑھنے سے روکنے کیلئے ہوائی فائر کئے۔
عہدیدار نے واضح کیا کہ امریکا کی ملٹری پروازیں سفارتی عملے اور غیر ملکی اسٹاف کیلئے ہیں،دوسری طرف امریکی محکمہ خارجہ کا اپنے بیان میں کہنا تھا کہ امریکی فوج نے کابل ایئرپورٹ کی حدود کو محفوظ بنالیا ہے۔
امریکی محکمہ خارجہ کا کہنا ہے کہ کابل میں امریکی سفارت خانہ مکمل خالی کرالیا گیا ہے اور سفارت خانے کا تمام عملہ ایئرپورٹ کی حدود میں موجود ہے اور امریکی عملے کی واپسی کیلئے اقدامات کررہاہے۔
سوشل میڈیا پر وائرل ایک فوٹیج میں دیکھا جا سکتا ہے کہ کابل ایئرپورٹ پر افراتفری سی مچی ہوئی ہے ۔ جو افراد جہازوں کی سیڑھیاں چڑھنے میں کامیاب ہوئے، وہ دوسرے لوگوں کو اوپر چڑھنے میں مدد کر رہے ہیں۔
ترجمان پی آئی اے نے اپنے ایک بیان میں بتایا کہ مسافروں، عملے اور اثاثوں کی حفاظت کے لیے پروازیں غیر معینہ مدت تک ملتوی کی گئی ہیں،پی آئی اے نے یہ فیصلہ وزارت خارجہ اور افغان سول ایوی ایشن سے مشاورت کے بعد کیا ہے۔
