اسلام آباد( زمینی حقائق ڈاٹ کام )پاکستان نے اسرائیل اور حماس کی جانب سے جنگ بندی کے اعلان کا خیر مقدم کیا ہے۔
اسرائیلی سلامتی کابینہ کی طرف سے جنگ بندی کے اعلان کے بعد جاری بیان میں وزیر خا رجہ شاہ محمود قریشی نے کہا کہ یہ اجتماعی اقدام کی طاقت ہے۔ یہ ہر شخص اور ہر قوم کی کوششوں کا نتیجہ ہے۔
شاہ محمود قریشی نے کہا کہ دعا ہے کہ جنگ بندی فلسطین میں امن کی جانب پہلا قدم ہو، پاکستان کے وزیرخارجہ نے گزشتہ روز جنرل اسمبلی خطاب میں بھی جنگ بندی کیلئے اجتماعی کوششوں پر زور دیاتھا۔
Israel’s occupation of Palestine must end & illegal settlements & apartheid like regime imposed in the occupied territories must be dismantled. Implementation of UN res for establishment of independent & contiguous Palestinian State w/ Al-Quds Al Sharif as its capital, imperative https://t.co/ecoHBAwDrj
— Shah Mahmood Qureshi (@SMQureshiPTI) May 20, 2021
واضح رہے کہ اسرائیلی وزیراعظم کی سیکورٹی کابینہ نے غزہ میں جنگ بندی کی منظوری دے دی ہے۔ حماس نے بھی جنگ بندی پر رضامندی کااعلان کردیاہے۔
جنگ بندی میں مصرکا کردار اہم رہا جب کہ اسرائیل کی طرف سے جنگ بندی غیر مشروط کی گئی ہے جس کا امریکی صدر جوبائیڈن نے بھی خیر مقدم کرتے ہوئے لڑائی میں اموات پر افسوس کااظہارکیا۔
