کراچی ( ویب ڈیسک )اداکارہ ریشم نے صدارتی ایوارڈ ملنے پر سینئر اداکارہ سکینہ سموں کی تنقید کا مہذب لہجے میں میٹھے میٹھے انداز میں جواب دے دیا۔
سکینہ سموں کی اپنے اوپر تنقید اور صدارتی ایوارڈ کیلئے غیر مستخق ہونے کی بات کاجواب دیتے ہوئے اداکارہ ریشم نے کہا کہ پوری دنیا میں دیکھ لیں کہیں ایسا نہیں ہوتا،ہر جگہ جونئر کی سینئر حوصلہ افزائی کرتے ہیں۔
اداکارہریشم نے سکینہ سموں کو دعا دیتے ہوئے کہا کہ مجھے اس بات پر دکھ ہواہے لیکن میری دعاہے خدا انہیں مزید اعزازات سے نوازے لیکن انہیں حقیقت پر بھی غور کرنا چاہیے۔
انھوں نے کہا کہ حقیقت یہ ہے کہ جب کوئی شخص کسی دوسرے شخص کو نیچا دکھانے کی کوشش کرتا ہے تو درحقیقت وہ اپنے معیار اور کردار کو ظاہر کرتا ہے نہ کہ دوسرے کو۔
ریشم نے کہا کہ ہوسکتاہے کہ میں کسی ایوارڈ کی مستحق نہ ہوں لیکن کیا عالمی سطح پر سینئر اداکار اپنے جونیئر اداکاروں کے لیے اس طرح کی رائے رکھتے ہیں ؟
انہوں نے کہا کہ ایسی رائے جو کسی جونیئر اداکار کی سالہا سال محنت اور جدوجہد کو نقصان پہنچانے کا باعث ہو ، بڑے اداکار در حقیقت بڑا دل رکھتے ہیں،انسان بڑا اپنے کردار سے ہوتا ہے اپنے قائم کردہ معیار سے نہیں۔
واضح رہے اداکارہ سکینہ سموں نے نجی میڈیا سے گفتگو کرتے ہوئے علی ظفر اور ریشم کو صدارتی ایوارڈ تنقید کرتے ہوئے کہا تھا کہ یہ لوگ صدارتی ایوارڈز کے مستحق نہیں ہوں میں نے تو اس فن کو40سال دیئے ہیں۔
