فوٹو : فائل
دبئی (زمینی حقائق ڈاٹ کام) پاکستان ٹی ٹونئٹی میں پہلی پوزیشن کھو کر چوتھی پر آگیا، اسٹریلیا ٹی ٹوئنٹی کے ساتھ ٹیسٹ کرکٹ کی پہلی پوزیشن بھی حاصل کرنے میں کامیاب رہا، آئی سی سی نے نئی رینکنگ جاری کردی۔
انٹرنیشنل کرکٹ کونسل کی جاری کردہ سالانہ رینکنگ میں ٹی ٹوئنٹی فارمیٹ میں پاکستان 3 درجے تنزلی کے بعد چوتھے درجے پر آگیا ہے۔ پاکستان کی جگہ آسٹریلیا کو پہلی پوزیشن مل گئی ہے، انگلینڈ کا دوسرا اور بھارت کا تیسرا نمبر ہے۔
No.1 teams in the @MRFWorldwide ICC Rankings:
— ICC (@ICC) May 1, 2020
Tests ➡️ Australia
ODIs ➡️ England
T20Is ➡️ Australia
Lastest rankings 👉 https://t.co/AeaYDWqlfh pic.twitter.com/uv9hTGkN3L
ون ڈے کی عالمی درجہ بندی میں ورلڈ چیمپیئن انگلینڈ کی ٹیم پہلی پوزیشن برقرار رکھنے میں کامیاب رہی، بھارت دوسرے، نیوزی لینڈ تیسرے اور جنوبی افریقا چوتھے نمبر پر ہے۔ آسٹریلیاکی پانچویں اور پاکستان کی چھٹی پوزیشن ہے۔
More excellent news for 🇦🇺 fans!
— ICC (@ICC) May 1, 2020
Australia are No.1 in the @MRFWorldwide ICC Men's T20I Team Rankings for the first time ever.
They've displaced 🇵🇰 from the top spot!#ICCRankings pic.twitter.com/LrOerV0GKH
ٹیسٹ رینکنگ میں پاکستان سات ویں نمبر پر موجود ہے، آسٹریلوی ٹیم ٹیسٹ میں پہلے نمبر پر آگئی ہے جب کہ نیوزی لینڈ دوسرے، بھارت تیسرے، انگلینٍڈ چوتھے، سری لنکا پانچویں اور جنوبی افریقا چھٹے نمبر پر ہے۔
سالانہ رینکنگ کے مطابق ٹیسٹ کرکٹ میں آسٹریلیا نے 116 پوائنٹس کے ساتھ پہلی پوزیشن حاصل کی ،ٹیسٹ رینکنگ میں پاکستان 86 پوائنٹس کے ساتھ ساتویں نمبر پر ہے۔
ٹی ٹوئنٹی کی سالانہ رینکنگ میں پاکستان ٹیم پہلی پوزیشن برقرار نہیں رکھ سکی اور 260 پوائنٹس کے ساتھ چوتھے نمبر پر موجود ہے۔
