فوٹو: فائل
اسلام آباد(زمینی حقائق ڈاٹ کام)بھارتی کرکٹر گوتم گھمبیر کو کرکٹ چھوڑے اور سیاستدان بنے ایک عرصہ ہو گیاہے لیکن اب بھی سابق پاکستانی کپتان جارح مزاج شاہد آفریدی ان کے ذہن پر سوار ہیں، گوتم نے ایک بار پھر آفریدی کو تنقید کا نشانہ بنایا ہے۔
دونوں کے درمیان انڈیا اور پاکستان کرکٹ میچز کے دوران لڑائی ہوئی تھی، کئی میچز میں گوتم گھمبیرغلط الفاظ بولتے نظر آئے جس کے جواب میں شاہد آفریدی نے بھی سخت ردعمل کا اظہار کیا۔
شاہد آفریدی نے اپنی کتاب میں بھی گوتم گھمبیر کا تذکرہ کرتے ہوئے لکھا ہے کہ وہ بہت نخرے کرتا تھا جیسے وہ بریڈ مین ہو یا بہت بڑا کھلاڑی ہے۔ دونوں میں کرکٹ چھوڑنے کے بعد بھی نوک جھونک اکثر سوشل میڈیا پر چلتی رہتی ہے اور اب کی بار بھی کچھ ایسا ہی ہوا ہے۔
ٹوئٹر پر گھمبیر نے بوم بوم آفریدی کو مخاطب کرتے ہوئے لکھا کہ ’شاہد آفریدی! میں آپ کو یاد دلاتا ہوں 2007 ٹی ٹوئنٹی ورلڈ کپ میچ میں54 گیندوں پر 75 رنز بنائے تھے اور اس میچ میں آفریدی بغیر کوئی رن بنائے آوٹ ہوئے تھے اور ہم ورلڈ کپ جیت گئے تھے۔
گوتم گھمبیر نے مزید لکھا کہ ‘میں جھوٹوں کے بارے میں ایسا ہی رویہ رکھتا ہوں، اس ٹویٹ پر بوم بوم شاہد آفریدی کی طرف سے تو کوئی جواب نہیں آیا لیکن ان کے مداحوں نے سابق انڈین کرکٹر کو ماضی کے مختلف میچز یاد دلائے۔
پاکستان اور انڈیا کے کرکٹ شائقین گوتم گھمبیر کی اس ٹویٹ پر بڑے دلچسپ تبصرے کررہے ہیں۔
Gautam bhai koi bhi match team work se jeeta jata hai … kisi ek vyakti ke karan nhi … aap toh aisi bate kar rahe ho ki T20 WC main baki 10 players ne kuchh kia hi nhi hai, sirf aapne hi T20 WC jitaya, yah baat toh galat hai bhai, 11 players ka equally yogdan hai @msdhoni
— Nadeem Ram Ali 🇮🇳 (@NadeemRamAli) April 18, 2020
ٹوئٹر صارف ندیم رام علی نے لکھا کہ ‘گوتم بھائی میچ ٹیم ورک سے جیتا جاتا ہے آپ ایسے ظاہر کرتے ہیں جیسے صرف آپ نے ہی پرفارمنس دکھائی باقی دس کھلاڑیوں نے تو کچھ نہیں کیا۔ اگر آپ کو یہ لگتا ہے کہ آپ نے اکیلے میچ جتوایا تو یہ غلط بات ہے۔
ایک اور صارف ڈاکٹر نیمو نے لکھا کہ اس میچ میں مین آف دی میچ عرفان پٹھان تھے جب کہ ٹورنانمنٹ میں ’مین آف دی ٹورنامنٹ‘ کا ایوارڈ شاہد آفریدی کو ملا تھا۔
Irfan Pathan was Man of the match in 2007 T20 WC Final
— Dr Nimo (@niiravmodi) April 18, 2020
Shahid Afridi was Man of the tournament in 2007 T20 WC
Shahid Afridi was leading wicket taker in 2011 WC along with Zaheer Khan
Modi ji just tell me why only hindus?
RT coz nobody will tell you this
اے سی سپورٹس کے نام سے ٹوئٹر ہینڈل نے لکھا کہ اتنے سالوں کے بعد بھی لگتا ہے شاہد آفریدی ابھی تک آپ کے ذہن میں ہیں۔ آپ کبھی بھی فیلڈ پر ان کے برابر نہیں آ سکتے۔
ٹوئٹر صارف حسن شیغان نے لکھا کہ ’آپ کے پاکستان کے خلاف ٹیسٹ میچز میں 187 رنز 26.71 کی اوسط سے ہیں اور یہ کسی بھی ٹیم کے خلاف سب سے کم رنز ہیں جب کہ دوسری طرف شاہد آفریدی کے انڈیا کے خلاف ٹیسٹ میچز میں 709 رنز 47.26 کی اوسط سے ہیں جس میں بطور اوپنر تین سنچریاں بھی شامل ہیں۔
https://t.co/uQOKAMa0zl Afridi is Afridi, like Lahore lahore ay, no fact & nothing can change it! You're just embarrassing yourself ghambheeertaaa😁
— _NᎥᎷᏒᏗ. (@Addictttt_) April 18, 2020
سوشل میڈیا صارفین نے شاہد آفریدی کا ایک پرانا کلپ بھی شیئر کیا جس میں رپورٹر کے سوال کے جواب میں انہوں نے گوتم گھمبیر کے بارے میں کہا تھا کہ ’لگ رہا ہے یہ بات کسی پڑھے لکھے بندے نے کی؟ پتہ نہیں کیسے کیسے لوگوں کو ووٹ دے دیا ہے جن میں عقل ہی نہیں ہے۔
