زلمے خلیل زاد کی قیدیوں کے ایشو پرطالبان رہنما ملا برادر سے ملاقات

ویب ڈیسک

اسلام آباد :طالبان قیدیوں کی رہائی اور عسکری کارروائیوں کے بعد امریکی نمائندہ خصوصی برائے افغان مصالحتی عمل زلمے خلیل زاد نے طالبان رہنما ملا عبدالغنی برادر اور ان کی ٹیم سے ملاقات کی اور اگلے اقدامات پر بات چیت کی ہے۔

ٹوئٹر پر بیان میں زلمے خلیل زاد نے کہا ہے کہ امریکی صدر کے ساتھ، تعمیری ٹیلی فونک کال، کے بعد انہوں نے طالبان سربراہ سے بات چیت کی۔

I met Mullah Berader and his team last night for a candid discussion about next steps, followed by a constructive phone call with President @realDonaldTrump. We all agreed the purpose of the US-Taliban agreement is to pave the path to a comprehensive peace in #Afghanistan.

— U.S. Special Representative Zalmay Khalilzad (@US4AfghanPeace) March 5, 2020

زلمےخلیل زاد کا کہنا ہے کہ ہم سب نےاس بات پر اتفاق کیا ہے کہ امریکا-طالبان معاہدے کا مقصد افغانستان میں وسیع امن کے لیے راہ ہموار کرنا ہے۔

امریکی نمائندہ خصوصی کا یہ بھی کہنا تھا کہ بڑھتا تشدد امن معاہدے کے لیے خطرہ ہے اور اسے فوری کم ہونا چاہیے  انہوں نے کہا کہ ہم نے قیدیوں کے تبادلے سے متعلق بھی بات کی ہے ۔

US is committed to facilitating prisoner exchange, agreed in both US-Taliban Agreement & US-Afghanistan Joint Declaration. We will support each side to release significant numbers.

— U.S. Special Representative Zalmay Khalilzad (@US4AfghanPeace) March 5, 2020

زلمے خلیل زاد نے کہا امریکا قیدیوں کے تبادلے میں سہولت فراہم کرنے کے لیے پرعزم ہے اور اس کے بارے میں امریکا-طالبان معاہدے اور امریکا-افغان مشترکہ اعلامیے میں اتفاق ہوا تھا۔

انہوں نے کہا کہ ہم دونوں کی جانب سے نمایاں تعداد کی رہائی کی حمایت کریں گے، زلمے خلیل زاد کا یہ بیان پینٹاگون کی جانب سے افغانستان میں طالبان حملوں کی شدت کم کرنے کے لیے کی گئی کوشش کے بعد سامنے آیا ہے ۔

واضح رہے کہ افغان فورسز پر طالبان کے حالیہ حملوں نے عسکریت پسند گروپ اور امریکا کے درمیان 4 روز قبل ہونے والے امن معاہدے پر شکوک و شبہات پیدا کردیے تھے۔