فائل:فوٹو
لاہور: الیکشن کمیشن آف پاکستان نے عام انتخابات کے دوران 50 فیصد پولنگ سٹیشنز کو حساس یا انتہائی حساس قرار دیدیا۔
ذرائع کے مطابق حساس اور انتہائی حساس قرار دیئے جانے والے پولنگ سٹیشنز کی کل تعداد 46 ہزار 65 ہے، الیکشن کمیشن نے 27 ہزار 628 پولنگ سٹیشنز کو حساس جبکہ 18 ہزار 437 پولنگ سٹیشنز کو انتہائی حساس قرار دیا ہے۔
ذرائع کا کہنا ہے کہ پنجاب میں 12 ہزار 580 پولنگ سٹیشنز حساس اور 6 ہزار 40 انتہائی حساس قرار دیئے گئے ہیں جبکہ پنجاب میں 32 ہزار 324 پولنگ سٹیشز نارمل قرار دیئے گئے ہیں۔
الیکشن کمیشن کے ذرائع کے مطابق سندھ کے 6 ہزار 545 پولنگ سٹیشنز حساس، 6 ہزار 524 انتہائی حساس اور 5 ہزار 937 پولنگ سٹیشنز نارمل قرار دیئے گئے ہیں اسی طرح خیبرپختونخوا کے 6 ہزار 166 پولنگ سٹیشنز کو حساس، 4 ہزار 143 کو انتہائی حساس اور 5 ہزار 388 پولنگ سٹیشنز کو نارمل قرار دیا گیا ہے۔
بلوچستان میں کل 5 ہزار 28 پولنگ سٹیشنز بنائے گئے ہیں جن میں سے صرف 961 نارمل قرار دیئے گئے ہیں، بلوچستان کے 2 ہزار 337 پولنگ سٹیشنز حساس، 1 ہزار 730 انتہائی حساس قرار دیئے گئے ہیں۔
یادرہے کہ عام انتخابات کے لیے ملک بھر میں 90 ہزار 675 پولنگ سٹیشنز بنائے گئے ہیں۔
Comments are closed.