پاکستان نے نہ تو یوکرین کو اسلحہ فراہم کیا ہے اور نہ ہی ایسا کوئی ارادہ ہے،ترجمان دفترخارجہ

فائل:فوٹو
اسلام آباد:پاکستان دفترخارجہ کی خاتون ترجمان ممتاز زہرہ بلوچ نے واضح کیاہے کہ پاکستان نے نہ تو یوکرین کو اسلحہ فراہم کیا ہے اور نہ ہی ایسا کوئی ارادہ ہے۔

میڈیا کے سوالات کے جواب میں ترجمان وزارت خارجہ ممتاز زہرہ بلوچ نے کہا کہ پاکستان نے یوکرین کے تنازع کے مذاکراتی حل کی ضرورت پر زور دیا ہے۔
ترجمان نے کہا کہ پالیسی کے مطابق پاکستان تنازعات کے شکار خطے کو ہتھیار فراہم نہیں کرتا پاکستان نے نہ تو یوکرین کو اسلحہ فراہم کیا ہے اور نہ ہی ایسا کوئی ارادہ ہے۔

ترجمان نے مزید کہا کہ اس موضوع پر 7 نومبر کوپاکستان اور یوکرین کے وزرائے دفاع کے درمیان ٹیلی فون پر بات چیت کے دوران بات نہیں کی گئی۔