ملالہ یوسف زئی کے غزہ کے ہسپتال کے ٹویٹ پر فاطمہ بھٹو کا ردعمل

فائل:فوٹو

کراچی :پاکستان کی نوبل انعام یافتہ ملالہ یوسف زئی نے گزشتہ روز غزہ کے ہسپتال پر ہونے والی بمباری کی مذمت کی تو معروف پاکستانی مصنفہ فاطمہ بھٹو نے اس پر ردِ عمل ظاہر کرتے ہوئے ان سے کہا ہے کہ اسے ’نسل کْشی‘ کہیں۔

گزشتہ روز غزہ کے الاہلی اسپتال پر اسرائیلی طیاروں نے بمباری کی ہے جس کے نتیجے میں 800 سے زائد فلسطینی شہید ہو گئے۔

پاکستان کی نوبل انعام یافتہ ملالہ یوسف زئی نے اس حملے کی شدید الفاظ میں مذمت کی ہے۔

Call it what it is: a genocide.
Call Israel by its name: an apartheid state. https://t.co/LNzWMmYgBY

— fatima bhutto (@fbhutto) October 17, 2023

ملالہ نے اسرائیلی حکومت پر زور دیا ہے کہ وہ غزہ میں انسانی امداد کی اجازت دے اور جنگ بندی کا مطالبہ کرنے کے ساتھ انہوں نے فلسطینیوں کی امداد کے لیے 300 ہزار ڈالرز عطیہ کرنے کا اعلان بھی کیا ہے اور دیگر لوگوں سے بھی درخواست کی ہے کہ وہ بھی اس مشکل وقت میں سامنے آئیں اور فلسطینیوں کی ہر ممکن حد تک مدد کریں۔

معروف پاکستانی مصنفہ فاطمہ بھٹو نے ملالہ یوسف زئی کی جانب سے سامنے آنے والے اس مذمتی بیان پر اپنے ردِ عمل کا اظہار کیا ہے۔

انہوں نے کہا ہے کہ اسے وہی کہا جائے جو یہ ہے یعنی (فلسطینیوں کی) نسل کشی۔انہوں نے اس بات پر بھی زور دیا ہے کہ اسرائیل کو نسل پرست ریاست کہا جائے۔