فائل:فوٹو
راولپنڈی :سکیورٹی فورسز کی جانب سے دہشت گردوں کی موجودگی کی اطلاع پر ضلع خیبر کے علاقے تیرہ میں آپریشن کے دوران 3 دہشتگرد مارے گئے۔
آئی ایس پی آر کے مطابق ضلع خیبر کے علاقے تیرہ میں انٹیلی جنس بیسڈ آپریشن کے دوران سکیورٹی فورسز اور دہشت گردوں کے درمیان شدید فائرنگ کا تبادلہ ہوا، فائرنگ کے تبادلے میں دہشت گرد کمانڈر کفایت طور عدنان سمیت 3 دہشت گرد ہلاک ہوگئے۔
آئی ایس پی آر کاکہناہے کہ آپریشن 25 اور 26 ستمبر کی درمیانی شب دہشتگردوں کی موجودگی کی اطلاع پر کیا گیا، ہلاک دہشت گرد قانون نافذ کرنے والے اداروں کے خلاف دہشت گردی کی متعدد کارروائیوں میں سرگرم تھے۔
آئی ایس پی آر نے مزید بتایا کہ دہشت گردوں کے خاتمے کیلئے علاقے میں سرچ آپریشن جاری ہے، پاکستان کی سکیورٹی فورسز دہشت گردی کی لعنت کے خاتمے کیلئے پرعزم ہیں۔
Comments are closed.