جماعت اسلامی کا پٹرولیم مصنوعات کی قیمتوں میں اضافے کے خلاف دھرنے کا اعلان

فائل:فوٹو

لاہور: جماعت اسلامی نے پٹرولیم مصنوعات کی قیمتوں میں اضافہ مسترد کرتے ہوئے گورنر ہاوٴسز کے باہر دھرنے کا اعلان کیا ہے۔

امیر جماعت اسلامی پاکستان سراج الحق نے کہا ہے کہ حکومت نے ا?ئی ایم ایف کے کہنے پر پٹرولیم مصنوعات کی قیمتوں میں اضافہ کر کے عوام کا جینا مشکل بنا دیا، اس صورتحال میں خاموش رہنا موت ہے، لوگ گھروں سے نکلیں۔

انہوں نے کہا کہ کہ جماعت اسلامی عوامی حمایت کے ذریعے حکومت کو پٹرولیم مصنوعات کی قیمتوں میں کیا گیا اضافہ واپس لینے پر مجبور کرے گی، بجلی اور پٹرولیم مصنوعات کی قیمتوں میں اضافے کے خلاف احتجاجی تحریک چلائی جا رہی ہے۔

سراج الحق نے مزید کہا کہ چاروں صوبوں میں گورنر ہاوٴسز کے باہر عوامی دھرنے دیں گے، لوگ موت کا انتظار کرنے کے بجائے گھروں سے نکلیں اور جماعت اسلامی کی تحریک کا حصہ بنیں۔

ادھر پٹرولیم مصنوعات کی قیمتوں میں اضافے پر گرینڈ ڈیموکریٹک الائنس کے رہنما سردار عبدالرحیم نے کہا ہے کہ قیمتوں میں اضافہ مسترد کرتے ہیں۔آئی ایم ایف کے خنجر سے عوام کو مارا جا رہا ہے، پی ڈی ایم کا آئی ایم ایف معاہدہ پاکستان دشمن ثابت ہوا۔