پشاور میں ورسک روڈ پر ایف سی کی گاڑی،کے قریب دھماکہ ایک اہلکار شہید، 10افراد زخمی

فائل:اسکرین گریب 

پشاور :پشاور میں ورسک روڈ پر ایف سی کی گاڑی،کے قریب دھماکہ ایک اہلکار شہید، 10افراد زخمی، زخمیوں میں  اہلکار اور 3 شہری شامل ہیں ۔

پشاور میں ورسک روڈ پر فرنٹیئر کور کی گاڑی کے قریب دھماکا ہوا ہے جس کس آواز دور دور تک سنائی دی ہے۔ترجمان ریسکیو 1122 کے مطابق دھماکے میں ایک اہلکار شہید ہوگیا، جبکہ 7 اہلکار اور 3 شہری زخمی ہوئے ہیں۔

ترجمان ریسکیو 1122 نے بتایا ہے کہ زخمی سیکیورٹی اہلکاروں کو سی ایم ایچ منتقل کر دیا گیا ہے۔

لیڈی ریڈنگ اسپتال کی انتظامیہ کے مطابق ورسک روڈ دھماکے کے 5 زخمی لیڈی ریڈنگ اسپتال لائے گئے، جن میں 3 سیکیورٹی اہلکار اور 2 شہری شامل ہیں۔

🚨 #BreakingNews:
IED explosion near Frontier Corps (FC) convoy at Warsak Road in Peshawar. As per the Police, atleast 5 injured in the IED blast.#Peshawar #peshawarblast #FrontierCorps #FC pic.twitter.com/m3s5it23MQ

— Charlie Company – Wolves (@CharlieViews) September 11, 2023

سی سی سی پی او پشاور اشفاق انور کے مطابق ابتدائی طور پر دھماکا خودکش نہیں لگتا، بارودی مواد روڈ کے کنارے نصب کیا گیا تھا۔

انہوں نے بتایا ہے کہ بارودی مواد پھٹنے سے دھماکا ہوا، بی ڈی یو اور سی ٹی ڈی کی ٹیمیں شواہد اکٹھے کر رہی ہیں۔

دھماکے کے فوری بعد علاقے کو قانون نافذ کرنے والے اداروں کے اہلکاروں نے گھیرے میں لے لیا ہے۔

ایس پی ورسک ارشد خان کے مطابق ورسک روڈ پر دھماکا فرنٹیئر کور کی گاڑی پر ہوا ہے۔

انہوں نے کہا ہے کہ دھماکا آئی ای ڈی کا تھا، خودکش نہیں، بی ڈی یو اور سی ٹی ڈی کی ٹیمیں جائے وقوع پر پہنچ گئی ہیں۔
ریسکیو ترجمان کے مطابق دھماکے میں 3 افراد زخمی ہوئے ہیں جنہیں اسپتال منتقل کیا گیا ہے۔
دوسری جانب اسپیکر قومی اسمبلی راجہ پرویز اشرف نے پشاور کے ورسک روڈ پر سیکیورٹی فورسز کی گاڑی کے قریب دھماکے پر اظہارِ تشویش کیا ہے۔
جاری کیے گئے بیان میں انہوں نے کہا ہے کہ تمام متاثرہ افراد کی صحت یابی کے لیے دعا گو ہیں، دشمن کی طرف سے دہشت گردی کے گھناؤنے واقعات انتہائی قابلِ مذمت ہیں۔
راجہ پرویز اشرف کا مزید کہنا ہے کہ پاکستان نے ہمیشہ ڈٹ کر دہشت گردی کا مقابلہ کیا ہے، آئندہ بھی اسی طرح کرتا رہے گا۔