فائل:فوٹو
اسلام آباد:ڈسٹرکٹ اینڈ سیشن کورٹس اسلام آباد نے افواجِ پاکستان کے خلاف بغاوت پر اکسانے کے کیس میں مسلسل عدم حاضری پر شہبازگل کو اشتہاری قرار دیتے ہوئے جائیداد ضبطگی کی کارروائی کا آغاز کر دیا۔
ایڈیشنل ڈسٹرکٹ اینڈ سیشن جج طاہر عباس سپرا نے کیس کی سماعت کی۔ ایف آئی اے اور نادرہ نے شہبا زگل کی جائیدادوں کی رپورٹ عدالت میں جمع کروا دی۔
عدالت نے شہبازگل کی دو درخواستیں بھی مسترد کردیں۔شہبازگل کی کیس کی کارروائی روکنے اور بذریعہ ویڈیوٴ لنک حاضری لگانے کی درخواست دائر کی گئی جسے عدالت نے مسترد کردیا۔
عدالت نے کہا کہ ملزم کے خلاف اشتہاری کی کاروائی تب ہی منسوخ ہوتی ہے جب ملزم ذاتی طور پر عدالت پیش ہو، شہبازگل 4 ہفتوں کا بتا کر ملک سے روانہ ہوئے تھے، ملزم نے چالاکیوں سے کام لینا شروع کردیاہے، ملزم کو ملک سے بھگا دیاگیاہے، جس پر وکیل صفائی نے کہا کہ شہبازگل بیماری کی وجہ سے باہر گئے ہیں، بھاگے نہیں۔
بعدازاں عدالت کیس کی سماعت 31 اگست تک ملتوی کردی۔
Comments are closed.