فائل:فوٹو
اسلام آباد:احتساب عدالت میں ایل این جی ریفرنس کا فیصلہ نہ سنایا جا سکا۔ سابق وزیر اعظم شاہد خاقان عباسی کے شریک ملزمان کی عدالتی دائرہ اختیار سے متعلق درخواستوں پر فیصلہ موخر کر دیا گیا، عدالت نے فیصلے کی 4 اگست کی نئی تاریخ مقرر کردی۔۔
احتساب عدالت کے جج محمد بشیر کی رخصت کے باعث سماعت بغیر کارروائی ملتوی کی گئی، عدالتی عملہ کے مطابق چار اگست کو نیب آرڈیننس کے تحت دائر درخواستوں پر فیصلہ سنایا جائے گا۔
درخواست دائر کرنے والوں میں شیخ عمران الحق، آغا جان اختر، سعید احمد خان، عبد الصمد داوٴد اور چوہدری محمد اسلم ملزمان میں شامل ہیں۔
ملزمان نے درخواست میں موقف اپنایا ہے کہ نیب آرڈیننس کے تحت یہ ریفرنس اس عدالت کا دائرہ اختیار نہیں بنتا جبکہ سابق وزیراعظم شاہد خاقان عباسی اور انکے بیٹے عبداللہ شاہد نے نیب آرڈیننس نے تحت درخواست دائر نہیں کی تھی۔
Comments are closed.