فائل:فوٹو
لاہور: پاکستان تحریک انصاف کی سابق رکن اسمبلی نیلم حیات نے سیاست چھوڑنے کا اعلان کرتے ہوئے کہاہے کہ جناح ہاوٴس میں جو نقصان اور توڑ پھوڑ ہوئی وہ نہیں ہونی چاہیے تھی۔ فوج ہماری سرحدوں کی حفاظت کرتی ہے اور فوج ہی ہمارا مان ہے۔
9 مئی کے واقعات پر مذمتی بیان میں پی ٹی آئی کی سابق رکن پنجاب اسمبلی نیلم حیات نے کہا کہ میں توڑ پھوڑ کی سیاست پر یقین نہیں رکھتی۔ 9 مئی کے واقعات کی شدید مذمت کرتی ہوں۔
انہوں نے کہا کہ چیئرمین پی ٹی آئی کی گرفتاری کے بعد ہمیں لبرٹی احتجاج کے لیے بلایا گیا تھا۔
نیلم حیات نے کہا کہ ہم نے پارٹی کے لاہور کے صدر کو یہ کہتے ہوئے سنا کہ چیئرمین پی ٹی آئی کے کہنے پر کور کمانڈر ہاوٴس کی طرف کوچ کرو۔ سب لوگ کور کمانڈر ہاوٴس کی طرف چل پڑے۔
انہوں نے مزید کہا کہ جناح ہاوٴس میں جو نقصان اور توڑ پھوڑ ہوئی وہ نہیں ہونی چاہیے تھی۔ فوج ہماری سرحدوں کی حفاظت کرتی ہے اور فوج ہی ہمارا مان ہے۔
نیلم حیات نے کہا کہ فوج کی وجہ سے ہی ملک قائم ہے۔ موجودہ حالات کے پیشِ نظر، میں سیاست سے ریٹائرمنٹ کا اعلان کرتی ہوں۔
Comments are closed.