پاکستان میں عیدالاضحی 29 جون کو ہوگی،ذی الحج کا چاند نظر آگیا

فوٹو: فائل

کراچی: پاکستان میں عیدالاضحی 29 جون کو ہوگی،ذی الحج کا چاند نظر آگیا ہے اور اس کا اعلان چیئرمین مرکزی رویت ہلال کمیٹی مولانا عبدالخبیر آزاد نے کیا۔

مرکزی رویت ہلال کمیٹی کا اجلاس چیئرمین مرکزی رویت ہلال کمیٹی مولانا عبدالخبیر آزاد کی صدارت میں ہوا جس میں چاند نظر آنے کی شہادتیں ملنے کے بعد اعلان کیا گیا۔

اجلاس میں وزارت مذہبی امور، سپارکو اور محکمہ موسمیات کے نمائندےبھی شریک ہوئے، اس کے علاوہ وزارت سائنس و ٹیکنالوجی کے نمائندے بھی چانددیکھنےکے لیے اجلاس میں موجود تھے۔

ذی الحج کا چاند دیکھنے کیلئے زونل رویت ہلال کمیٹی اسلام آباد اور لاہور کے بھی اجلاس ہوئے ، دونوں زونل کمیٹی نے بھی چاند نظر آنے کی تصدیق کی۔

دوسری جانب گزشتہ روز سعودی عرب میں بھی ذی الحجہ کا چاند نظر آگیا تھا، حج کا رکن اعظم وقوفِ عرفہ 27 جون منگل کو ادا کیا جائے گا۔

سعودی عرب میں عیدالاضحیٰ 28 جون کو منائی جائے گی، اس کے علاوہ دبئی سمیت خلیجی ممالک میں بھی عیدالاضحیٰ 28 جون کو منائی جائے گی۔