فائل:فوٹو
اسلام آباد: سپریم کورٹ میں ارشد شریف قتل کیس میں عمران خان کو شامل تفتیش کرنے کی درخواست ، ارشد شریف کی والدہ کی درخواست میں فیصل واوڈا،سلیمان اقبال، مراد سعید اور عمران ریاض خان کو بھی شامل تفتیش کرنے کیلئے درخواست دائر کی گئی۔ متفرق درخواست ارشد شریف کی والدہ کے وکیل شوکت عزیز صدیقی نے دائر کی۔
ارشد شریف کی والدہ نے اپنے وکیل کے زریعے سپریم کورٹ میں متفرق درخواست دائر کی ہے۔ درخواست میں ارشد شریف کے قتل کی پاکستان میں سازش کی تحقیقات کی استدعا کی گئی ہے۔
متفرق درخواست میں ارشد شریف کی والدہ نے چیئرمین پی ٹی آئی ،فیصل واڈا ،سلمان اقبال مراد سعید ،عمران ریاض کو شامل تفتیش کرنے کی استدعا کی گئی ہے۔
درخواست میں کہا گیا ہے کہ ارشد شریف کے قتل سے متعلق ان تمام افراد سے شواہد حاصل کئے جائیں، مقدمہ کی حساسیت اور اہمیت کے پیش نظر سپریم کورٹ کے اقدام کو سراہتے ہیں،ارشد شریف کے قتل کی تحقیقات پاکستان میں ہونے والی سازش سے شروع کی جائیں،کئی افراد نے ارشد شریف کے قتل کی سازش بارے جاننے کا دعوی کیا ہے۔
درخواست میں مزید کہا گیا ہے کہ فیکٹ فائنڈنگ کمیٹی رپورٹ اور نہ جے آئی ٹی رپورٹ فراہم کی گئی،سپریم کورٹ جے ائی ٹی سربراہ کو پانچ افراد کو تحقیقات میں شامل کرنے کا حکم دے، سپریم کورٹ جے ائی ٹی کی رپورٹس فراہم کرنے کا حکم بھی جاری کرے۔
Comments are closed.