پی ٹی آئی کی رہنما 72سالہ شیریں مزاری رہائی کے بعد چوتھی مرتبہ پھر گرفتار

فائل:فوٹو

راولپنڈی: پی ٹی آئی کی رہنما 72سالہ شیریں مزاری رہائی کے بعد چوتھی مرتبہ پھر گرفتار کرلی گئیں، شیریں مزاری کو راولپنڈی کی اڈیالہ جیل سے رہا کیا گیا۔پنجاب پولیس نے رہا ہوتے ہی دوسرے کیس میں پکڑ لیا۔

سابق وفاقی وزیر دو بار پنجاب جبکہ ایک بار اسلام آباد پولیس کی حراست میں رہی ہیں۔۔لاہور ہائیکورٹ کے راولپنڈی بینچ نےآج ہی رہا کرنے کا حکم دیا تھا.

اس سے قبل آج لاہور ہائیکورٹ کے راولپنڈی بینچ نے تحریک انصاف کی رہنماء ڈاکٹر شیریں مزاری کو رہا کرنے کا حکم جاری کر دیا۔ شیریں مزاری کی صاحبزادی ایمان مزاری نے کہا کہ میرا پی ٹی آئی سے کوئی تعلق نہیں لیکن افسوس کی بات ہے عمران خان کارکنوں اور لیڈر شپ کو بھول گئے۔

پی ٹی آئی رہنما شیریں مزاری کی نظر بندی کے خلاف دائر درخواست پر سماعت ہوئی، کیس کی سماعت لاہور ہائی کورٹ راولپنڈی بینچ کے جسٹس چودھری عبد العزیز نے کی۔

شیریں مزاری کے وکلاء بیرسٹر شعیب رزاق اور انیق کھٹانہ عدالت میں پیش ہوئے جبکہ شیریں مزاری کی صاحبزادی ایمان مزاری بھی عدالت میں پیش ہوئیں۔

عدالت نے حکم دیا کہ اگر شیریں مزاری کسی مقدمے میں نامزد نہیں تو ان کو دوبارہ گرفتار نہ کیا جائے اور شیریں مزاری ڈپٹی کمشنر کے پاس بیان حلفی جمع کرائیں وہ آئندہ کسی ایسی سرگرمی میں شامل نہیں ہوں گی۔

میڈیا سے گفتگو میں ایمان مزاری نے کہا کہ میری والدہ کو ایک ہفتے میں تین دفعہ گرفتار کیا گیا لیکن آج عدالت نے میری والدہ کا دوسرا ایم پی او آرڈر کلعدم قرار دیا۔ حکومت کو سوچنا چاہیے گھروں کو اس طرح برباد نہ کرے۔

ایمان مزاری نے کہا کہ میرا پی ٹی آئی سے کوئی تعلق نہیں لیکن افسوس کی بات ہے عمران خان کارکنوں اور لیڈر شپ کو بھول گئے۔