عمران خان اور بشریٰ بی بی نیب راولپنڈی میں آج طلب

فائل:فوٹو
اسلام آباد: قومی احتساب بیورو راولپنڈی نے برٹش نیشنل کرائم ایجنسی 190 ملین پاوٴنڈ سکینڈل میں چیئرمین پاکستان تحریک انصاف عمران خان اور ان کی اہلیہ بشریٰ بی بی کو آج طلب کر لیا۔نیب کی جانب سے جاری کردہ نوٹس میں کہا گیا کہ عمران خان کی عدم حاضری پر قانونی کارروائی ہوگی۔

نیب راولپنڈی کی جانب سے چیئرمین پی ٹی آئی سے 19 کروڑ پاوٴنڈ کی غیر قانونی منتقلی سے متعلق 20 سوالوں کے جوابات بھی طلب کئے گئے ہیں اور انہیں کیس سے متعلقہ دستاویزات بھی ہمراہ لانے کی ہدایت کی گئی ہے۔

نیب کی جانب سے جاری کردہ نوٹس میں کہا گیا کہ عمران خان کی عدم حاضری پر قانونی کارروائی ہوگی۔

نیب راولپنڈی نے عمران خان کو صبح 10 بجے کمبائنڈ انویسٹی گیشن ٹیم کے روبرو پیش ہونے کا حکم دیا اور 19 کروڑ پاوٴنڈ کے فریزنگ ا?رڈرز ، القادر یونیورسٹی کو ملنے والے تمام عطیات اور ٹرسٹ کو عطیات دینے والوں کا ریکارڈ بھی طلب کیا ہے۔

نیب نے القادر ٹرسٹ اور ملزمان کی کمپنی کے درمیان ٹرسٹ ڈیڈ کے علاوہ برطانوی کرائم ایجنسی کے ساتھ خط و کتابت کا ریکارڈ پیش کرنے کی بھی ہدایت کی ہے۔

خیال رہے کہ نیب راولپنڈی نے سابق معاون خصوصی احتساب شہزاد اکبر کو بھی 22 مئی کو طلب کررکھاہے ۔جبکہ سابق وفاقی وزیرریلوے شیخ رشیداحمد کو بھی 24مئی کوطلبی کاکال اپ نوٹس جاری کیاہواہے ۔