شیریں مزاری اور سینیٹر فلک ناز اڈیالہ جیل سے باہر نکلتے ہی دوبارہ گرفتار

فائل:فوٹو

اسلام آباد:اسلام آباد ہائی کورٹ کے حکم پر رہائی پانے والی تحریک انصاف کی رہنما شیریں مزاری اور سینیٹر فلک ناز اڈیالہ جیل سے باہر نکلتے ہی دوبارہ گرفتار کر لی گئیں، پولیس نے دونوں کو نامعلوم مقام پر منتقل کر دیا.

عدالت نے سینیٹر فلک ناز کو بھی حراست میں لینے کا ڈسٹرکٹ مجسٹریٹ کا آرڈر کالعدم قرار دیتے ہوئے ان کی رہائی کے بھی احکامات جاری کئے تھے۔

تھری ایم پی او کے تحت گرفتار ی کی پی ٹی آئی کی رہنما ڈاکٹر شیریں مزاری کی گرفتاری کیخلاف درخواست کی سماعت اسلام آباد ہائی کورٹ میں ہوئی۔

اسلام آباد ہائی کورٹ کے جسٹس میاں گل حسن اورنگزیب نے فیصلے میں کہا کہ شیریں مزاری دفعہ 144 کی خلاف ورزی نہیں کریں گی۔

ایڈوکیٹ جنرل اسلام آباد نے کہا کہ آج کل سب کچھ انٹرنیٹ پر ہے یہ وہاں لکھنا شروع کردیں گے جس پر عدالت نے کہا کہ ٹوئٹس سے متعلق بھی فیصلے میں لکھ دیا جائے گا۔

عدالت نے ریمارکس دئیے کہ عمران خان کی احاطہ عدالت سے جس طریقے سے گرفتاری ہوئی اس سے حکومت کا کنڈکٹ معلوم ہوتا ہے۔

اسلام آباد ہائی کورٹ نے سینیٹر فلک ناز کو حراست میں لینے کا ڈسٹرکٹ مجسٹریٹ کا آرڈر کالعدم قرار دیتے ہوئے ان کی رہائی کے بھی احکامات جاری کیے۔