فائل:فوٹو
راولپنڈی :جنوبی وزیرستان کے ضلع زرملان میں سکیورٹی آپریشن کے دوران شہید ہونے والے دو فوجی جوانوں کو سپرد خاک کردیا گیا۔
آئی ایس پی آر کے مطابق لانس نائیک شعیب علی شہید اور سپاہی رفیع اللہ شہید کی نماز جنازہ جنوبی وزیرستان کے علاقے وانا اور بعد میں اْن کے آبائی قصبوں میں ادا کی گئی اور دونوں شہدا کو پورے فوجی اعزاز کے ساتھ سپرد خاک کر دیا گیا۔
نماز جنازہ میں فوجی افسران و جوانوں سمیت سول حکام، عوام اور شہدا کے لواحقین کی بڑی تعداد نے شرکت کی۔
آئی ایس پی آر کاکہناہے کہ پاکستان کی مسلح افواج دہشت گردی کی لعنت کو کسی بھی قیمت پر ختم کرنے کے لیے پْرعزم ہیں۔ ایسی قربانیاں ہی ہمارے عزم کو مضبوط کرتی ہیں۔
آئی ایس پی آر کے مطابق سکیورٹی فورسز نے ہفتے کو انٹیلی جنس بنیادوں پر آپریشن کیا، اس دوران فورسز اور دہشت گردوں کے درمیان شدید فائرنگ کا تبادلہ ہوا جس میں لانس نائیک شعیب علی (عمر 25 سال، رہائشی پاراچنار، ضلع کرم) اور سپاہی رفیع اللہ (عمر 22 سال، ساکن ضلع لکی مروت) بہادری سے لڑتے ہوئے شہید ہوئے۔شہدا نے سوگواران میں بیواوٴں اور والدین کو چھوڑا ہے۔
خیال رہے کہ جنوبی وزیر ستان کے ضلع زرملان میں سکیورٹی آپریشن کے دوران پاک فوج کے 2 جوان شہید ہوگئے تھے۔ اس واقعے میں 8 دہشت گرد بھی ہلاک ہوئے تھے۔
About The Author
Comments are closed.