پنجاب انتخابات کے فنڈز کی دستیابی سے متعلق رپورٹ سپریم کورٹ میں جمع

فائل:فوٹو

 اسلام آباد: الیکشن کمیشن نے پنجاب کے انتخابات کے فنڈز کی دستیابی سے متعلق رپورٹ سپریم کورٹ میں جمع کرادی۔

الیکشن کمیشن حکام رجسٹرار سپریم کورٹ کے دفتر گئے اور سربمہر رپورٹ وہاں جمع کرائی۔

سپریم کورٹ نے 4 اپریل کو وفاقی حکومت کو انتخابات کیلئے 10 اپریل تک 21 ارب جاری کرنے کا حکم دیتے ہوئے الیکشن کمیشن کو 11 اپریل کو فنڈز ملنے یا نہ ملنے کے حوالے سے رپورٹ پیش کرنے کی ہدایت کی تھی۔

سپریم کورٹ نے وفاقی اور نگراں پنجاب حکومت کو سیکورٹی پلان بھی الیکشن کمیشن کو جمع کروانے کا حکم دے رکھا ہے۔ سیکورٹی پلان 16 اپریل تک جمع کروانے کا حکم دیا گیا ہے۔

سپریم کورٹ نے 14 مئی کو پنجاب میں انتخابات کروانے اور الیکشن کمیشن،وفاقی اور صوبائی حکومتوں کو اس کیلئے اقدامات کرنے کی ہدایات دی رکھی ہیں۔