وزیراعظم کا کابینہ کم کئے بغیر بچت اعلان، مزید مہنگائی ہو گی شہباز شریف

اسلام آباد: وزیراعظم کا کابینہ کم کئے بغیر بچت اعلان، مزید مہنگائی ہو گی شہباز شریف نے کہا کہ آئی ایم ایف سے معاملات آخری مراحل میں ہیں جو آئندہ چند روز میں طے پا جائیں گے۔

اسلام آباد میں وزیرخزانہ اسحاق ڈار اور اتحادی جماعتوں کے دیگر وزرا کے ساتھ پریس کانفرنس میں شہباز شریف نے کہا کہ آئی آیم ایف سے معاملات طے ہونے کے نتیجے میں مہنگائی مزید بڑھے گی۔

وزیراعظم نے کہا کہ ’آئی ایم ایف نے سبسڈیز کم کرائی ہے۔وزیراعظم نے بتایا کابینہ میں آج سیر حاصل بحث کے بعد حکومت کے تمام وفاقی وزرا، مشیران، وزرائے مملکت اور معاونین خصوصی نے رضاکارانہ طور پر تنخواہیں نہ لینے کا فیصلہ کیا ہے۔

شہباز شریف نے کہا ’تمام وزرا گیس، بجلی ، پانی کے بل خود ادا کریں گے۔ وزرا اپنی تمام لگژری گاڑیاں واپس کریں گے جنھیں نیلام کیا جائے گا۔‘ وزرا اکانومی کلاس میں بیرون ملک سفر کریں گے، کوئی بھی معاون عملے کا رکن ساتھ نہیں جائے گا۔

’بیرون ملک دورہ کرنے والے افسران فائیو سٹار ہوٹلوں میں قیام نہیں کریں گے۔‘
’جون 2024 تک تمام پرتعیش اشیاء کی خریداری پر مکمل پابندی ہو گی۔ جون 2024 تک تمام طرح کی نئی گاڑیوں کی خریداری پر مکمل پابندی ہو گی۔‘

وزیر اعظم شہباز شریف نے اعتراف کیا کہ ملک میں جب بھی سیلاب، زلزلہ یا مشکل وقت آیا غریب آدمی پر ہی بوجھ پڑا۔

کہا ’سرکاری افسران کے پاس موجود سکیورٹی گاڑیاں واپس لی جائیں گی۔ اگر کسی کے لیے ضروری ہو تو وزارت داخلہ کی کمیٹی اسے سکیورٹی دینے کا فیصلہ کرے گی۔‘

وزیراعظم نے کہا کہ سفر، قیام و طعام کے اخراجات میں کمی کے لیے ٹیلی میٹنگ کو فروغ دیا جائے گا۔’وفاقی حکومت کے اندر کوئی نیا شعبہ نہیں بنایا جائے گا۔ آئندہ دو سال تک کوئی نیا انتظامی یونٹ نہیں بنایا جائے گا۔‘

شہباز شریف نے کہا کہ ’بجلی اور گیس کی بچت کے لیے گرمیوں میں دفاتر صبح سات بجے کھلیں گے اور کم توانائی استعمال کرنے والے برقی آلات کا استعمال کیا جائے گا۔‘’سرکاری ملازمین کو ایک سے زائد پلاٹ الاٹ نہیں کیا جائے گا۔‘

انھوں نے کہا ؔتمام حکومتی تقاریب میں سنگل ڈش کی پابندی ہو گی۔ ’اگر چائے کا موقع ہے تو صرف چائے اور بسکٹ دیے جائیں گے۔ غیرملکی مہمانوں کے لیے یہ پابندی نہیں ہو گی لیکن وہاں بھی ہم احتیاط سے کام لیں گے۔‘

وزیراعظم شہباز شریف نے کہا کہ کابینہ نے توشہ خانے کے حوالے سے بھی پالیسی کی منطوری دی ہے۔ کابینہ نے فیصلہ کیا ہے کہ آج کے بعد صرف 300 ڈالرمالیت کے برابر کا تحفہ رکھ سکتے ہیں۔