فوٹو:سوشل میڈیا
اسلام آباد:معروف ٹی اینکروسابق وزیراعظم اور چیئرمین پی ٹی آئی عمران خان کی سابق اہلیہ اور صحافی ریحام خان نے تیسری شادی کر لی۔
سماجی رابطوں کی ویب سائٹ ٹوئٹر پر ریحام خان کی جانب سے ایک تصویر شیئر کرتے ہوئے مداحوں کو تیسری شادی کی اطلاع دی گئی ہے۔
— Reham Khan (@RehamKhan1) December 23, 2022
سوشل میڈیا سائٹ فیس بک پر ریحام خان نے اپنے خاوند کیساتھ تصویر شیئر کرتے ہوئے کہاہے کہ مجھے اپنے پیاروں اور خیر خواہوں کے ساتھ یہ خوشخبری بتاتے ہوئے خوشی ہو رہی ہے کہ میں نے مرزا بلال بیگ کے ساتھ ایک سادہ تقریب کے دوران شادی کر لی ہے۔
انہوں نے کہا کہ اپنے والدین کی غیر موجودگی میں میں آپ سے دعاوٴں اور نیک تمناوٴں کی درخواست کرنا چاہتی ہوں جب میں اپنی نئی زندگی کا آغاز کررہی ہوں۔
ریحام خان نے اپنی پوسٹ میں کہا کہ زندگی محبت اور افہام و تفہیم میں سے ایک ہے اور ایک بہت طویل تنہائی کی جدوجہد کے بعد بالآخر میں ایک ایسے شخص سے ملی ہوں جس نے مجھے اپنی ذہانت سے متاثر کیا اور اپنی ایمانداری، ہمت سے مجھے جیت لیا۔
ان کا مزید کہنا تھا کہ اگرچہ مرزا مجھ سے 13 سال چھوٹے ہیں لیکن وہ میری زندگی میں اب بہت اہم ہیں، ایک آدمی جس پر میں بھروسہ کر سکتی ہوں، ایک آدمی جو میری تاریک ترین گھڑی میں میرے آس پاس ہوگا، ایک آدمی جس کے ساتھ میں محفوظ محسوس کرتی ہوں۔
ریحام خان نے کہا کہ جس طرح آپ نے اپنے دلوں اور دعاوٴں میں میرا خیرمقدم کیا ہے، مجھے یقین ہے کہ آپ اس شخص کو بھی وہی گرمجوشی دیں گے جس کو میں نے اپنی زندگی بانٹنے کے لیے چنا ہے، میں مرزا کے والدین کا شکریہ ادا کرنا چاہوں گی کہ انہوں نے اپنے خوبصورت خاندان میں میرا پرتپاک استقبال کیا اور میرے بچوں کا ہمیشہ کی طرح تعاون کرنے پر میرے بیٹے کا میرے وکیل ہونے کی ذمہ داریاں نبھانے پر خصوصی شکریہ ادا کرتی ہوں۔
ان کا کہنا تھا کہ آخر میں جیسا کہ ہم دونوں امید کر رہے ہیں کہ یہ ہمارے لیے تیسری خوش قسمتی ہو گی، میں آپ سے شائستگی سے درخواست کروں گی کہ اپنے متعلقہ خاندانوں اور اپنے بچوں کی رازداری کا احترام کریں۔
واضح رہے کہ ریحام نے 1990 میں پہلی شادی کی تھی اور ان کی طلاق 2005 میں ہوئی اس شادی سے ان کے تین بچے بھی ہیں جو برطانیہ میں مقیم ہیں۔
اس کے بعد سابق وزیراعظم عمران خان اور ریحام خان کی شادی کی تصدیق جنوری 2015 میں ہوئی تھی لیکن دونوں کی شادی سے متعلق خبریں اکتوبر 2014 سے سامنے ا?رہی تھیں تاہم ریحام عمران کی شادی چند ماہ ہی رہی اور پھر دونوں کے درمیان علیحدگی ہو گئی۔
Comments are closed.