منور تالپور نے سیلاب متاثرین میں 50، 50 روپے تقسیم کئے، تالی بجائی چلے گئے

کراچی : سندھ کے حکمران خاندان کی اہم شخصیت منور تالپور نے سیلاب متاثرین میں 50، 50 روپے تقسیم کئے، تالی بجائی چلے گئے، پولیس سکیورٹی میں واپس ہوئی. 

سابق صدر آصف زرداری کے بہنوئی ،چئیرمین پیپلز پارٹی بلال بھٹو زرداری کے پھوپھا اور فریال تالپور کے شوہر نے بے گھر اور بے آسرا، لٹے پُٹے افراد میں پچاس پچاس روپے تقسیم کرکے حاتم طائی کی قبر پر لات ماری.

سوشل میڈیا پر وائرل ویڈیو میں دیکھا جا سکتا ہے کہ آصف علی زرداری کے بہنوئی منور تالپور نے سندھ کے سیلاب زدہ علاقوں کا دورہ کیا اس موقع پر ان کے ہاتھ میں 50 کے نوٹوں کی دتھی تھی اور پچاس پچاس روپے متاثرین کو دیتے رہے.

*اصف ذرداری کے دولہا بھائ ۔ بلاول کے پھوپا جی اور رکن قومی اسمبلی فریال تالپور کے شوہر میر منور تالپور سیلاب متاثرین میں 50 روپے کے نوٹ تقسیم کرتے ہوئے ـ یہ پچاس روپے سے انکے سارے مسائل حل ہو جائیں گے اور سندھ میں خوشحالی آئیگی لوٹنے کے وقت کروڑوں اربوں روپے لوٹتے .. pic.twitter.com/unaBu9jhOK

— Jahanzaib Gujjar (@Jahanza48146600) August 26, 2022

ہاتھ میں پچاس روپے کا بنڈل ختم ہوتے ہی منور تالپور نے تالی بھی بچائی، ویڈیو سوشل میڈیا پر وائرل ہوئی تو لوگوں نے اسے غربت کا مذاق اور سیلاب زدگان کے زخموں پر نمک پاشی قرار دے دیا.

کسی نے لکھا، اتنی بڑی رقم سے سندھ کے سیلاب متاثرین کے مسائل حل ہوگئے، تو کسی نے یہ لکھا اب صوبہ سندھ شہباز سپیڈ سے ترقی کرے گا، بعض نے اسی سخاوت کی اعلیٰ مثال قرار دیا.