اسلام آباد( ویب ڈیسک) احسن اقبال کا سیالکوٹ واقعہ پر فضل الرحمان کے موقف سے اختلاف رائے سامنے آیاہے اور انھوں نے سیالکوٹ واقعہ کی غیر مشروط مذمت کرنے پر زور دیاہے۔
سیالکوٹ کی ایک فیکٹری میں توہین رسالت کے الزام میں ہجوم کے ہاتھوں سری لنکن شہری کی ہلاکت کے واقعہ پر ردعمل سامنے آنے کا سلسلہ جاری ہے اور اکثریت پاکستانی واقعہ کی مذمت کررہے ہیں۔
ایسے میں جے یو آئی ف کے امیر اور پی ڈی ایم کے سربراہ مولانا فضل الرحمان نے ٹوئٹر پر بیان میں سیالکوٹ واقعہ پر کہا کہ سیالکوٹ میں پیش آنے والا واقعہ قابل مذمت اور شرمناک ہے ۔
بصد احترام مولانا صاحب ایسے واقعات کی غیر مشروط مذمت ہونی چائیے- اسلام اس طرح کی جنونیت اور ہجوم کے ہاتھوں غیر قانونی قتل کی اجازت کسی صورت میں نہیں دیتا- علماء کرام سے قوم توقع رکھتی ہے کہ وہ قوم کی اس معاملہ میں راہنمائی فرمائیں گے- https://t.co/MFV7wCI6Ai
— Ahsan Iqbal (@betterpakistan) December 4, 2021
مولانا فضل الرحمان نے کہا کہ جامع تحقیقات ہونی چاہئے،ریاست اگر توہین رسالت اور توہین ختم نبوت کے ملزمان کے خلاف کاروائی نہیں کرے گی تو اس قسم کے واقعات تو ہونگے۔
مولانا فضل الرحمان کے ٹویٹ کو ری ٹویٹ کرتے ہوئے مسلم لیگ ن کے سینئر رہنما احسن اقبال نے ان کے موقف سے اختلاف کرتے ہوئے کہا کہ بصد احترام مولانا صاحب ایسے واقعات کی غیر مشروط مذمت ہونی چائیے-
احسن اقبال نے کہا اسلام اس طرح کی جنونیت اور ہجوم کے ہاتھوں غیر قانونی قتل کی اجازت کسی صورت میں نہیں دیتا، علماء کرام سے قوم توقع رکھتی ہے کہ وہ قوم کی اس معاملہ میں راہنمائی فرمائیں گے۔
سیالکوٹ میں ناموسِ رسالت کی آڑ میں غیر ملکی کو زندہ جلا دینے کا واقعہ انتہائی افسوسناک ہے. محض الزام کی بنیاد پر قانون کو ہاتھ میں لینا اسلامی تعلیمات کے خلاف ہے. اسلام میں تشدد اورشدت پسندی کی کوئی جگہ نہیں. علماء کرام انتہا پسندی کو روکنے میں مثبت کردار ادا کریں.#Sialkot
— Tariq Jamil (@TariqJamilOFCL) December 3, 2021
دوسری طرف مولانا طارق جمیل نے سیالکوٹ کے واقعے کی واضح الفاظ میں مذمت کرتے ہوئے اس واقعہ کو اسلامی تعلیمات کے منافی قرار دیا ہے۔
Comments are closed.