فوٹو : فائل
کراچی: صوبہ سندھ میں کیٹی بندر کے قریب کشتی سمندر میں الٹ گئی، ایک شخص جاں بحق ایک لاپتہ 6 کو زندہ نکال لیا گیا، کشتی میں 8 افراد سوار تھے ، یہ افراد شکار کیلئے گئے تھے خدشہ ظاہر کیا جارہا ہے کہ کشتی کو حآدثہ سمندر تیز ہوائیں چلنے کے باعث پیش آیا ہے۔
یہ افسوس ناک حادثہ کیٹی بندر کے قریب پیش آیا، جس میں 8 افراد کشتی کے الٹنے کے باعث سمندر میں ڈوب گئے۔ ڈوبنے والے افراد سمندر میں پرندوں کے شکار کے لیے کراچی سے گئے تھے۔
حادثے کے بعد مقامی ماہی گیروں نے فوری کارروائی کرتے ہوئے 6 افراد کو زندہ بچالیا، تاہم کشتی حادثے کے نتیجے میں 2 افراد تاحال لاپتہ ہیں۔ ابتدائی اطلاعات کے مطابق حادثے کی بنیادی وجہ تیز لہروں اور خراب موسم کو قرار دیا گیا ہے۔
میری ٹائم سیکیورٹی ایجنسی کے حکام کے مطابق کشتی حادثے کے مقام پر سرچ اینڈ ریسکیو آپریشن جاری ہے۔ تلاش و بچاؤ آپریشن کے دوران کشتی پر سوار 6 افراد کو بچا لیا گیا ہے جب کہ ڈوبنے والے ایک شخص ظہیر احمد کی لاش نکال لی گئی ہے۔
ایک اور لاپتہ شخص واحد بخش کی تلاش جاری ہے۔حکام کا کہنا ہے کہ حادثے کا شکار ہونے والے افراد میں سے 5 کا تعلق کراچی اور 3 کا کیٹی بندر سے ہے۔ ریسکیو کے دوران ڈوبنے والی لانچ بھی ری کور کرلی گئی ہے۔
حادثہ ممکنہ طور پر تیز ہواؤں کے سبب پیش آیا۔ ڈوبنے والے افراد کیٹی بندر پر پرندوں اور مچھلی کا شوقیہ شکار کررہے تھے۔
Comments are closed.