پاکستان کے بعد بنگلہ دیش کا بھی بھارت میں ورلڈ کپ میچز کھیلنے سے انکار

فوٹو : فائل

اسلام آباد : انڈیا کی قائم روایت اُسی کے گلے پڑ گئی، پاکستان کے بعد بنگلہ دیش کا بھی بھارت میں ورلڈ کپ میچز کھیلنے سے انکار،بنگلادیش کرکٹ بورڈ نے ٹی 20 ورلڈکپ کے لیے ٹیم بھارت نہ بھیجنے کا اعلان کردیا۔

بنگلادیشی بورڈ کی جانب سے جاری اعلامیہ میں بتایا گیا ہے کہ بی سی بی کے بورڈ آف ڈائریکٹرز کی ہنگامی میٹنگ آج دوپہر(4جنوری) ہوئی جس میں بھارت اور سری لنکا میں ٹی ٹوئنٹی ورلڈ کپ میچز کے شیڈول اور سکیورٹی امور کا جائزہ لیا گیا۔

اعلامیہ میں کہا گیا ہے کہ اجلاس میں گزشتہ 24 گھنٹوں میں پیدا ہونے والی صورتحال کا تفصیلی جائزہ لیا گیا اور بورڈ آف گورنرز نے فیصلہ کیا کہ بنگلادیش کی قومی کرکٹ ٹیم بھارت نہیں جائےگی۔

بنگلادیش کرکٹ بورڈ کے مطابق اس فیصلے سے آئی سی سی کو باضابطہ طور پر آگاہ کردیا گیا اور بنگلا دیش بورڈ منتظرہے آئی سی سی صورتحال کو سمجھتےہوئے جلد اس معاملے پر جواب دے گا۔

اُدھر بنگلادیش کے مشیر برائے کھیل نے اعلان کیا کہ بنگلادیش ورلڈ کپ کھیلنے کے لیے بھارت کا دورہ نہیں کرے گا، بنگلا دیش کرکٹ بورڈ نے آج اس فیصلے کا اعلان کر دیا ہے۔

ان کا کہنا تھاکہ ہم اس فیصلے کا خیرمقدم کرتے ہیں جوبھارتی کرکٹ بورڈ کی جارحانہ اورفرقہ وارانہ پالیسیوں کے تناظر میں کیا گیا ہے۔

انڈیا نے بھارتی انتہا پسندوں کے دباؤ میں آکر آئی پی ایل سے فاسٹ بولر مستفیض الرحمان کو ریلیز کیا گیا جس کے بعد بھارت اور بنگلادیشی بورڈ میں کشیدگی بڑھی ہے۔

بنگلادیش کا آئی سی سی کو خط لکھنےکا فیصلہ، بھارت میں ٹی 20 ورلڈکپ کا سکیورٹی پلان پوچھا جائےگا.

ذرائع کے مطابق بی سی بی ورلڈکپ میں اپنے میچز سری لنکا میں کرانے کا کہے گا ، آئی سی سی ٹی ٹوئنٹی ورلڈ کپ کے بنگلا دیش کے میچز بھارت میں شیڈولڈ ہیں، بنگلادیش نے تین میچز کلکتہ اورایک میچ ممبئی میں کھیلنا ہے۔

واضح رہے کہ نیوٹرل وینیو پر کھلینے کی روایت خود بھارت نے ڈالی ہے اور بھارتی ٹیم نے کئی بار پاکستان آنے سے انکار کر کے نیوٹرل وینیو پر کھیلنے کا انتخاب کیا آج بھارت کی نیوٹرل وینیو پر کھیلنے کی اپنی قائم کردہ روایت اس کے گلے پڑ گئی ہے.

بھارت افغانستان کے ساتھ کھیلنے سے بھی انکار کر چکا ہے اور مستقبل قریب میں یہ بھی بعید نہیں کہ افغانستان کرکٹ ٹیم بھی بھارت میں کھیلنے سے معذرت کر لے کیونکہ آئی پی ایل سے افغان کرکٹرز کو بھی آوٹ کیا گیا.

آئندہ ماہ سری لنکا اور بھارت میں شیڈول ٹی ٹوئنٹی ورلڈ کپ ہو رہا ہے اور بنگلادیش کے پہلے تین میچز کولکتہ میں شیڈول تھے جو کہ اب سری لنکا منتقل ہونے کا قوی امکان ہے،پاکستان کے میچز پہلے ہی سری لنکا میں ہوں گے بھارت بھی پاکستان کے ساتھ میچ کھیلنے سری لنکا آئے گا.