پاکستانی سپر اسٹاربابراعظم کی بگ بیش لیگ میں فاتحانہ اننگز،سڈنی سکسر کوجتنوا دیا

فوٹو : سوشل میڈیا

میلبرن : پاکستانی سپر اسٹاربابراعظم کی بگ بیش لیگ میں فاتحانہ اننگز،سڈنی سکسر کوجتنوا دیا، میچ میں بابراعظم نے سڈنی سکسرز  کی طرف سے کھیلتے ہوئے میچ وننگ ففٹی اسکور کی اور اپنی ٹیم کو اہم فتح سے ہم کنار کیا۔

 آسٹریلیا کےشہر میلبرن میں کھیلے گئے میچ میں سڈنی سکسرز نے میلبرن رینی گیڈز کو 6 وکٹوں سے ہرا دیا۔

سڈنی سکسرز کی جانب سے کھیلتے ہوئے قومی کرکٹر بابرا عظم نے 46 گیندوں پر 58 رنز کی ناقابل شکست اننگز کھیلی جس میں ایک چھکا اور چار چوکےشامل تھے۔

بگ بیش لیگ 2025–26، پاکستانی کھلاڑی آسٹریلیا کی رنگا رنگ لیگ میں جگمگانے کو تیار

سڈنی سکسرز  کے جوئل ڈیوس 15 گیندوں پر 34 رنز بنا کر ناٹ آوٹ رہے۔

اس سے قبل میلبرن رینی گیڈز نے پہلے بیٹنگ کرتے ہوئے 9 وکٹوں کے نقصان پر 164 رنز بنائے تھے۔

میلبرن رینی گیڈز  کی جانب سے جوش برؤن نے 43، حسان خان نے 39 اور جیک فریزر نے 38 رنز اسکور کیے جبکہ محمد رضوان صرف 6 رنز بناکر آؤٹ ہوئے۔