فوٹو : فائل
اسلام آباد : بانی پی ٹی آئی عمران خان کی بریت کے بعد پولیس نےچالان جمع کرایا، جج نے کارروائی شروع کردی، عمران خان کیخلاف کیس میں اسلام آباد پولیس کا انوکھا کارنامہ سامنے آیا ہے.
کیس میں بری ہونے کے باوجود اسلام آباد پولیس کی طرف سے عمران خان کے خلاف چالان جمع کرانے کا واقعہ وفاقی دارالحکومت اسلام آباد کی ایک عدالت میں پیش آیا.
اس حوالے سے نجی ٹی وی ایکسپریس نیوز کے مطابق اسلام آباد کی مقامی عدالت نے عمران خان کے ٹرائل کے لئے کارروائی بھی شروع کردی تاہم پی ٹی آئی کےوکلا نے بانی پی ٹی آئی کی اس کیس میں بریت کی نشاندہی کردی۔
پی ٹی آئی کے وکلا نے کہا کہ 27 فروری 2024ء کو جوڈیشل مجسٹریٹ شبیر بھٹی نے بریت کا فیصلہ دیا تھا، عدالت نے بانی پی ٹی آئی و دیگر کو آزادی مارچ کیس میں بری کر دیا تھا اس لیے عمران خان کے خلاف کارروائی ممکن نہیں۔
تھانہ ترنول میں درج مقدمہ کا نمبر 627 ہے جس میں بانی پی ٹی آئی بری ہوئے تھے، پولیس کی جانب سے تھانہ ترنول مقدمہ نمبر 627 میں بانی کے خلاف چالان جمع کرایا گیا۔
Comments are closed.