محسن نقوی کی پی ایس ایل فرنچائزز کے ساتھ نئے معاہدے جلد مکمل کرنے کی ہدایت

فوٹو : سوشل میڈیا

لاہور: چیئرمین پی سی بی محسن نقوی کی پی ایس ایل فرنچائزز کے ساتھ نئے معاہدے جلد مکمل کرنے کی ہدایت ، محسن نقوی کا کہنا ہے کہ جتنا جلدی ہوسکے معاہدے مکمل کریں۔

اس ضمن میں پی ایس ایل کی چارٹرڈ فرم کے نمائندوں نے چیئرمین پی سی بی محسن نقوی سے ملاقات کی۔

ملاقات میں چیف ایگزیکٹیو آفیسر پی ایس ایل سلمان نصیر اور سی او او سمیر سید بھی موجود تھے، ویلیوایشن فرم نے محسن نقوی کو پی ایس ایل کی ویلیوایشن رپورٹ پیش کی۔

چیئرمین پی سی بی محسن نقوی نے ویلیوایشن رپورٹ کے حوالے سے سوالات کیے ساتھ ہی چارٹرڈ فرم کو تمام فرنچائزز سے ملاقات کی ہدایت بھی کی۔

محسن نقوی نے فرنچائزز کے ساتھ نئے معاہدے جلد از جلد مکمل کرنے کی ہدایت کرتے ہوئے کہا ہے کہ ویلیوایشن رپورٹ کی بنیاد پر نیا فرنچائز معاہدہ طے ہو گا جبکہ چارٹرڈ فرم فرنچائزز کی نئی مارکیٹ ویلیو لگائے گی۔

پی سی بی کے مطابق پی ایس ایل کی 6 فرنچائزز کے کنٹریکٹ دسمبر میں ختم ہو رہے ہیں، اب پی ایس ایل فرنچائزز کی تعداد 8 ہونے جا رہی ہے، نئے معاہدے صرف اہل فرنچائزز کے ساتھ ہوں گے۔

  ۔واصح رہے کہ پی ایس ایل فرنچائز کے نئے 10 سالہ معاہدے کی تیاریاں آخری مراحل میں داخل ہو چکی ہیں