فوٹو : فائل
لکی مروت : پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے 26 اور 27 ستمبر کی شب خفیہ اطلاعات کی بنیاد پر لکی مروت میں ایک کامیاب آپریشن کیا۔
آئی ایس پی آر کے مطابق، آپریشن کے دوران دہشت گردوں کے ٹھکانے کو مؤثر طریقے سے نشانہ بنایا گیا جس میں بھارتی سرپرستی میں سرگرم 17 خوارج ہلاک ہوگئے۔
ہلاک ہونے والے خوارج کے قبضے سے بھاری تعداد میں اسلحہ اور گولہ بارود بھی برآمد کیا گیا۔
آئی ایس پی آر کا کہنا ہے کہ یہ دہشت گرد سیکیورٹی فورسز، قانون نافذ کرنے والے اداروں پر حملوں اور معصوم شہریوں کے قتل میں ملوث تھے۔
ترجمان نے مزید بتایا کہ علاقے میں مزید دہشت گردوں کے خاتمے کے لیے کلیئرنس آپریشن جاری ہے۔
آئی ایس پی آر نے واضح کیا کہ سیکیورٹی فورسز ملک سے بھارتی سرپرستی میں ہونے والی دہشت گردی کو جڑ سے اکھاڑ پھینکنے کے لیے پرعزم ہیں۔
لکی مروت میں سیکیورٹی فورسز کا خفیہ اطلاع پر آپریشن، 17 خوارج ہلاک
Comments are closed.