ایشیا کپ،عمان بھارت کیخلاف جیت کے قریب پہنچ کر ناتجربہ کاری کے باعث ہار گیا

فوٹو : سوشل میڈیا

ابوظہبی : ایشیا کپ،عمان بھارت کیخلاف جیت کے قریب پہنچ کر ناتجربہ کاری کے باعث ہار گیا، ٹی ٹوئنٹی ٹورنامنٹ کے آخری گروپ میچ میں بھارت نے عمان کو 21 رنز سے شکست دے کر ایونٹ میں مسلسل تیسری فتح حاصل کی۔

بھارت کے 189 رنز کے ہدف کے تعاقب میں عمان کی ٹیم نے مقررہ 20 اوورز میں 4 وکٹوں کے نقصان پر 167 رنز بنائے۔

اس سے قبل ابوظبی میں کھیلے گئے میچ میں بھارت نے ٹاس جیت کر پہلے بیٹنگ کرنے کا فیصلہ کیا، اور مقررہ 20 اوورز میں 8 وکٹوں کے نقصان پر 188 رنز بنائے۔

بھارت کی جانب سے سنجو سیمسن 56 اور ابھیشیک شرما 38 رنز بناکر نمایاں رہے۔ اس کے علاوہ اکشر پٹیل نے 26، تلک ورما نے 29 رنز بنائے۔

عمان کی جانب سے شاہ فیصل ، جتن اور عامر کلیم نے 2،2 وکٹیں حاصل کیں،بعد 189 رنز کے ہدف کے جواب میں عمان کی ٹیم نے خوب مقابلہ کیا لیکن ہدف حاصل نہ کرسکی۔

عمان کی ٹیم نے مقررہ 20 اوورز میں 4 وکٹوں کے نقصان پر 167 رنز بنائے۔عامر کلیم 64 اور حماد رضا 51 رنز بناکر نمایاں رہے دونوں کے درمیان 93 رنز کی شراکت ہوئی۔

عمان کے بیٹرز ناتجربہ کاری کی وجہ سے ہدف کے قریب پہنچ کر بھی ہدف حاصل نہ کر سکے، بھارت کی جانب سے پانڈیا، ارشدیپ سنگھ، ہرشت رانا اور کلدیپ نے ایک ایک وکٹ حاصل کی۔

اس جیت کے ساتھ بھارت نے گروپ مرحلے میں ناقابل شکست رہتے ہوئے مسلسل 3 میچز میں کامیابی حاصل کرتے ہوئے 6 پوائنٹس کے ساتھ گروپ میں پہلی پوزیشن قائم رکھی۔

واضح رہے کہ کل سے ایشیا کپ میں سپر فور مرحلہ شروع ہوگا۔ گروپ اے سے پاکستان اور بھارت جبکہ گروپ بی سے سری لنکا او ربنگلادیش نے کوالیفائی کیا ہے۔