سندھ اسمبلی اراکین کی تنخواہیں 200 فیصد بڑھا دی گئیں، الاؤنسز بھی شامل

فوٹو : فائل

کراچی: سندھ اسمبلی نے اراکین کی تنخواہوں اور مراعات میں 200 فیصد اضافہ کر دیا۔ 8 اگست کو پیش کیا جانے والا بل ایوان میں متفقہ طور پر منظور ہوا، جس کے بعد اسپیکر اویس شاہ کی سربراہی میں پارلیمانی کمیٹی تشکیل دی گئی، جس میں اپوزیشن لیڈر علی خورشیدی سمیت تمام جماعتوں کے نمائندے شامل تھے۔

کمیٹی اجلاس میں مشاورت کے بعد اراکین اسمبلی کی تنخواہوں میں بڑے پیمانے پر اضافہ منظور کیا گیا۔ پیپلز پارٹی، ایم کیو ایم اور پی ٹی آئی نے بل کی حمایت کی جبکہ صرف جماعت اسلامی نے مخالفت کی۔

فی الحال اراکین اسمبلی کی تنخواہ و الاؤنسز ملا کر 1 لاکھ 55 ہزار روپے ہیں، لیکن کمیٹی کے فیصلے کے بعد یہ رقم بڑھ کر تقریباً ساڑھے 4 لاکھ روپے ہو جائے گی۔ بنیادی تنخواہ 50 ہزار سے بڑھا کر 3 لاکھ روپے مقرر کی گئی ہے۔

مزید الاؤنسز میں اضافہ بھی کیا گیا ہے:

• آفس مینٹیننس الاؤنس 15 ہزار روپے

• ٹیلی فون الاؤنس 10 ہزار روپے

• ہاؤس رینٹ الاؤنس 50 ہزار روپے

• موبائل الاؤنس 10 ہزار روپے

• یوٹیلیٹی الاؤنس 20 ہزار روپے

• ڈیلی الاؤنس 1 ہزار سے بڑھا کر 3 ہزار روپے

• کنوینس الاؤنس 1 ہزار سے بڑھا کر 3 ہزار روپے

• سندھ اسمبلی اراکین کی تنخواہیں 200 فیصد بڑھا دی گئیں، الاؤنسز بھی شامل