پاکستانی طالبہ ماہ نور چیمہ کے 6 عالمی ریکارڈ ، 24 اے لیول مضامین میں شاندار کامیابی

فوٹو : فائل

لندن :برطانوی پاکستانی طالبہ ماہ نور چیمہ نے کیمبرج سسٹم میں تاریخ رقم کرتے ہوئے ایک ہی وقت میں چار نئے عالمی ریکارڈ قائم کر دیے۔ 18 سالہ ماہ نور نے 24 اے لیول مضامین میں اعلیٰ امتیازی نمبر حاصل کیے، جبکہ اس سے قبل وہ 34 جی سی ایس ای مضامین میں بھی شاندار کامیابی حاصل کر چکی ہیں۔

ان تازہ کامیابیوں کے بعد ماہ نور مجموعی طور پر چھ عالمی ریکارڈز کی مالک بن گئی ہیں — جو دنیا میں کسی بھی سیکنڈری اسکول کے طالب علم کے لیے سب سے زیادہ ہیں۔ ان کے ریکارڈز میں سب سے زیادہ انفرادی اے لیول مضامین پاس کرنا، سب سے زیادہ اے پلس اور اے گریڈز حاصل کرنا، اور سب سے زیادہ کل مضامین میں امتیازی کامیابی حاصل کرنا شامل ہیں۔

شاندار تعلیمی کارکردگی کے بعد ماہ نور کو آکسفورڈ یونیورسٹی میں میڈیسن کی تعلیم کے لیے داخلہ مل گیا ہے۔ انہوں نے اپنے جذبات کا اظہار کرتے ہوئے کہا:

"یہ میرے بچپن کا خواب تھا جو اب حقیقت بن گیا ہے۔ اس کامیابی کا سہرا میرے والدین کی قربانیوں کو جاتا ہے۔”

تعلیم کے ساتھ ساتھ ماہ نور نے موسیقی میں ڈپلومہ حاصل کیا ہے، اداکاری اور پبلک اسپیکنگ میں گولڈ میڈلز جیتے ہیں، اور وہ مینسا کی رکن بھی ہیں۔ ان کی یہ شاندار کامیابیاں پاکستان اور برطانیہ دونوں کے لیے فخر کا باعث ہیں۔

پاکستانی طالبہ ماہ نور چیمہ کے 6 عالمی ریکارڈ ، 24 اے لیول مضامین میں شاندار کامیابی