حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کردیا

فوٹو : فائل

اسلام آباد : وفاقی حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کردیا۔

حکومت کی جانب سے پیٹرول کی قیمت کو 264 روپے 61 پیسے فی لیٹر برقرار رکھا گیا ہے۔

ہائی اسپیڈ ڈیزل کی قیمت میں 12 روپے 84 پیسے  فی لیٹرکی کمی کی گئی ہے، ڈیزل کی نئی قیمت 272 روپے 99 پیسے مقرر کی گئی ہے۔

اسی طرح مٹی کے تیل کی قیمت 7 روپے 19 پیسے کی کمی کے بعد 178 روپے 27 پیسے فی لیٹر مقرر کی گئی ہے۔

لائٹ ڈیزل آئل کی قیمت 8 روپے 20 پیسے کی کمی کے بعد 162 روپے 37 پیسے فی لیٹر مقرر کی گئی ہے۔

اس قبل میڈیا رپورٹ میں بتایا گیا تھا کہ پٹرول کی قیمت میں ایک بار پھر اضافہ ہونے کا امکان ہے، ورکنگ مکمل کر لی گئی16 اگست سے پیٹرول کی قیمت میں اضافے اور ڈیزل کے نرخ میں بڑی کمی کا امکان ہے، پٹرولیم انڈسٹری نے پٹرولیم مصنوعات کی قیمتوں کے حوالے سے ورکنگ کی ہے۔

ذرائع کے مطابق پٹرولیم انڈسٹری نے ڈیزل 11 روپے 75 پیسے فی لیٹر سستا کرنی کی سفارش کی ہے، سولہ اگست سے قیمت 285 روپے 83 پیسے سے کم ہوکر 274 روپے ا8 پیسے فی لیٹر ہونے کا امکان ہے۔

نجی ٹی وی سمانیوز کے مطابق پیٹرول ایک روپیہ32 پیسے مہنگا کر کے فی لیٹر قیمت 265 روپے 93 پیسے کرنے کی تجویز ہے جبکہ اس وقت پیٹرول کی فی لیٹر قیمت 264.61 روپے ہے ۔

مٹی کا تیل 6 روپے 25 پیسے کمی کے بعد 179 روپے21 پیسے فی لیٹر ہونے کی توقع ہے۔ جبکہ لائٹ ڈیزل آئل 7 روپے 11 پیسے کمی کے بعد 163 روپے 25 پیسے ہونے کا امکان ہے.

اوگرا ورکنگ کی بنیاد پر 15 اگست کو سمری وفاقی حکومت کو بھیجے گی، وزیراعظم کی منظوری کے بعد نئی قیمتوں کا نوٹیفکیشن جاری کیا جائے گا۔