عمران خان نے اپنے بیٹوں کو پاکستان آنے سے نہیں روکا، شیخ وقاص اکرم

فوٹو : فائل 

لاہور: سابق وزیراعظم عمران خان نے اپنے بیٹوں کو پاکستان آنے سے نہیں روکا، شیخ وقاص اکرم مرکزی سیکرٹری اطلاعات تحریک انصاف نے قاسم اور سلیمان کو پاکستان آنے سے روکنے کی خبروں کو جھوٹا قرار دے دیا۔

اس حوالے سے ایک بیان میں شیخ وقاص اکرم نے ان خبروں کی تردید کی جن میں عمران خان کی جانب سے قاسم اور سلیمان کو پاکستان نہ آنے کا کہا گیا ہے۔

انہوں نے کہا کہ عمران خان کے بچے پاکستان آئیں گے، صرف تاریخ طے ہونا باقی ہے، ‏بانی نے قاسم اور سلیمان کو پاکستان آنے سے قطعاً نہیں روکا۔

دوسری طرف عمر ایوب کہنا تھا کہ عمران خان کے بیٹے واشنگٹن ڈی سی میں والد کے لیے مہم چلا رہے ہیں، ان کی مرضی ہے جب بھی آنا چاہیں آسکتےہیں۔

اس سے قبل غلط فہمیاں پیدا کرنے کے لیے یہ خبر میڈیا کو فیڈ کی گئی تھی کہ عمران خان نے اپنے بیٹوں قاسم اور سلیمان کو پاکستان آنے سے روک دیا ہے۔