نوازشریف کا مری اجلاس میں بجلی سلیبز اور پٹرول پر عوام کو ریلیف دینے پر زور

فوٹو : فائل

مری : نوازشریف کا مری اجلاس میں بجلی سلیبز اور پٹرول پر عوام کو ریلیف دینے پر زور دیا گیا، اس حوالے سے صباح نیوز کے مطابق مسلم لیگ (ن)کی اعلی قیادت کی مری میں اہم بیٹھک ہوئی.

اس ملاقات یا اجلاس میں پارٹی صدر نواز شریف، وزیراعظم شہباز شریف، وزیراعلیٰ پنجاب مریم نواز،پارٹی کے سینئر رہنمائوں اور خاندان کے دیگر افراد نے شرکت کی۔

ذرائع کے مطابق نواز شریف نے وزیراعظم اور وزیراعلی پنجاب کی کارکردگی کو سراہا اور ہدایت کی کہ عوام کے جان و مال کے تحفظ کیلئے مزید اقدامات کیے جائیں۔

انہوں نے بجلی بلوں اور پٹرولیم مصنوعات میں عوام کو ریلیف دینے پر بھی زور دیا۔ ذرائع کے مطابق اجلاس میں ملک کی مجموعی سیاسی اور حالیہ سیلابی صورتحال کا تفصیلی جائزہ لیا گیا۔

اجلاس کے دوران وزیراعلی پنجاب مریم نواز نے بارشوں کے بعد کی صورتحال سے متعلق آگاہ کیا، جبکہ ٹیلیفونک رابطے میں اپنے ہنگامی دوروں کے بارے میں بھی تفصیلات فراہم کیں.