سوشل میڈیا پر ”ہم تیارہیں ، آزمانا نہیں“ ٹاپ ٹرینڈ بن گیا

فائل:فوٹو
اسلام آباد: پ”ہلگام فالز فلیگ“سوشل میڈیا پر ”ہم تیارہیں ، آزمانا نہیں“ ٹاپ ٹرینڈ بن گیا جبکہ بھارت کے پہلگام فالز فلیگ آپریشن اور دھمکیوں کے جواب میں مسلح افواج اور عوام متحد ہیں۔
ڈی جی آئی ایس پی آر کی زوردار پریس کانفرنس نے بھارت کو اسی کی زبان میں جواب دیدیا،ڈی جی آئی ایس پی آرنے واضح اور دو ٹوک الفاظ میں کہا کہ ”ہم تیار ہیں ، آزمانا نہیں، 2019ء میں ہم نے یہی بتایا تھا“ ہم وہ نہیں جو محاذ آرائی شروع کریں، ہم ذمہ دار ملک ہیں۔

ڈی جی آئی ایس پی آرنے کہا کہ اگر وہ (دشمن) یہ سمجھتا ہے کہ جارحیت ہی راستہ ہے تو ہم تیار ہیں ، اس کی آزمائش نہ کریں، ہم نے ہر ڈومین میں جوابی کارروائی کے اقدامات مکمل کر لئے ہیں، ہم ہر وقت اور ہر جگہ تیار ہیں۔

ڈی جی آئی ایس پی آر کا کہنا تھا کہ پاکستانی عوام اپنی خودمختاری اور سالمیت کا ہرقیمت پر دفاع کرے گی، فوجی تصادم کا راستہ بھارت نے چنا تو یہ اس کی چوائس ہے، آگے یہ معاملہ کدھر جاتا ہے تو یہ پھر ہماری چوائس ہے، ہم بار بار بتا رہے ہیں ہم تیار ہیں ہمیں آزمانا نہیں۔

ڈی جی آئی ایس پی آر کا پیغام”ہم تیار ہیں، ہمیں آزمانا نہیں“ عوام کی آواز بن گیا، تمام سوشل میڈیا صارفین نے اس بیان کو راتوں رات پاپولر ہیش ٹیگ بنا دیا، ڈی جی آئی ایس پی آر کے یہ الفاظ سوشل میڈیا پر وائرل ہیں،ڈی جی آئی ایس پی آر کا یہ بیان پاکستان کے عزم کی عکاسی کرتا ہے۔