فائل:فوٹو
اسلام آباد:ججز سنیارٹی کیس میں وفاقی حکومت نے سپریم کورٹ میں جواب جمع کروا دیا، وفاقی حکومت نے اسلام آباد ہائی کورٹ کے ججز سمیت تمام درخواستیں خارج کرنے کی استدعا کر دی ۔
وفاقی حکومت کی جانب سے جمع کروائے گئے جواب میں کہا گیا ہے کہ ججز کا تبادلہ آئین کے مطابق کیا گیا ہے، تبادلے کے بعد جج کے لیے نیا حلف لینا ضروری نہیں، آرٹیکل 200 کے تحت تبادلے کا مطلب نئی تعیناتی نہیں ہوتا،ججز کا تبادلہ عارضی ہونے کی دلیل قابل قبول نہیں،آئین میں کہیں نہیں لکھا کہ ججز کا تبادلہ عارضی ہوگا۔
جواب میں کہا گیا ہے کہ ججز کے تبادلے سے عدلیہ میں شفافیت آئے گی نہ کہ عدالتی آزادی متاثر ہوگی،جوڈیشل کمیشن نے اسلام آباد ہائی کورٹ میں دو ججز تعینات کیے تین آسامیاں چھوڑ دیں، وزارت قانون نے 28 جنوری کو اسلام آباد ہائیکورٹ میں ججز تبادلے کی سمری بھیجی، ججز تبادلے کیلئے صدر کا اختیار محدود جبکہ اصل اختیار چیف جسٹس پاکستان کا ہے، ججز تبادلے میں متعلقہ جج اور ہائی کورٹس کے چیف جسٹس اصل بااختیار ہیں۔
Comments are closed.