پاکستان اور مراکش کی افواج کی مشترکہ فوجی مشق – 2025ء کی افتتاحی تقریب

فائل:فوٹو

پاکستان اور مراکش کی افواج کی مشترکہ فوجی مشق – 2025ء کی افتتاحی تقریب اسپیشل آپریشنز اسکول، چراٹ میں انعقاد پذیر ہوئی۔ مشقیں میں پاک فوج کا سپیشل سروسز گروپ اور مراکش آرمی کی سپیشل فورسز حصہ لے رہی ہیں۔

آئی ایس پی آر کے مطابق پاکستان اور مراکش کی افواج مشترکہ فوجی مشق – 2025ء کی افتتاحی تقریب اسپیشل آپریشنز اسکول، چراٹ میں منعقد ہوئی، انسداد دہشت گردی کے حوالے سے اپنی نوعیت کی تیسری پاک – مراکش مشترکہ فوجی مشقیں ہیں، جس میں پاک فوج کا سپیشل سروسز گروپ اور مراکش آرمی کی سپیشل فورسز حصہ لے رہی ہیں۔

آئی ایس پی آر کاکہناہے کہ افتتاحی تقریب میں کمانڈنٹ سپیشل آپریشن سکول چراٹ نے بطور مہمان خصوصی شرکت کی۔

آئی ایس پی آر کے مطابق مشق کا مقصد مشترکہ تربیت کے ذریعے پیشہ ورانہ مہارتوں کو نکھارنا اور دوست ممالک کے درمیان تاریخی فوجی تعلقات کو مزید وسعت دینا ہے، مشقوں میں شریک دستے ایک دوسرے کی مہارتوں اور تجربات سے استفادہ کریں گے۔