ملک بھر میں آج عید الفطر مذہبی جوش و جذبے سے منائی جا رہی ہے

فائل:فوٹو
اسلام آباد/کراچی /لاہور :ملک بھر میں آج عید الفطر مذہبی جوش و جذبے سے منائی جا رہی ہے۔نماز عید کے روح پرور اجتماعات میں امت مسلمہ اور ملک اور قوم کی سلامتی، ترقی اور خوشحالی کیلئے خصوصی دعائیں مانگی گئیں۔

عید الفطر کی مناسبت سے ملک بھر کی مساجد، عید گاہوں میں نماز کے چھوٹے بڑے اجتماعات ہوئے جس میں بڑی تعداد میں شہریوں نے شرکت کی۔

نماز عید کے روح پرور اجتماعات میں امت مسلمہ اور ملک اور قوم کی سلامتی، ترقی اور خوشحالی کیلئے خصوصی دعائیں مانگی گئیں۔

اسلام آباد کی فیصل مسجد، لاہور کی بادشاہی مسجد، کراچی کے پولو گراوٴنڈ میں نماز عید کا مرکزی اجتماع ہوا، جس میں اہم حکومتی اور دیگر سیاسی و سماجی شخصیات نے بھی شرکت کی۔

شاہ فیصل مسجد اسلام آباد میں بھی عید الفطر کی نماز ادا کر دی گئی، ا?ئی جی اسلام ا?باد سیکیورٹی کا جائزہ لینے فیصل مسجد پہنچے، ان کا کہنا تھا کہ سیکیورٹی کیلیے شہر بھر میں دو ہزار سے زائد اہلکار تعینات کیے گئے ہیں جبکہ ٹریفک کی روانی کو رواں رکھنے کیلیے 5 سو اہلکار تعینات ہیں۔

پشاور، کوئٹہ، ملتان، حیدرآباد، سکھر، مردان، سبی، مری، گلگت، سرگودھا، بہاولپور، جھنگ سمیت دیگر بڑے شہروں میں بھی عید الفطر کی نماز کے اجتماعات ہوئے جس میں لاکھوں افراد نے شرکت کی۔

مفتی منیب الرحمٰن نے اہل کراچی کو عید کی خوشیوں میں شریک ہونے کے لیے فیڈرل بی ایریا عیدگاہ میں نماز عید پڑھنے کی دعوت دی تھی جہاں ان کی امامت میں عید الفطر کی نماز ادا کی گئی۔

کراچی کے گورنر ہاوٴس میں عید کی نماز صبح 7 بجے اد کی گئی جس میں جہاں گورنر سندھ سمیت دیگر اہم شخصیات شریک ہوئی۔

پولوگراونڈ میں بھی نماز عید ادا کی گئی، جس میں مئیر کراچی سمیت اہم سیاسی اور سماجی شخصیات نے شرکت کی۔

ناظم آباد کے عیدگاہ گراونڈ میں مفتی تقی عثمانی نے عید کی نماز پڑھائی، جبکہ جماعت اسلامی پاکستان کے امیر حافظ نعیم الرحمٰن نے بھی اسی مقام پر نماز عید ادا کی۔

کراچی شہر بھر میں مجموعی طور پر 4 ہزار سے زائد چھوٹے اور بڑے نماز عید کے اجتماعات ہوئے، جہاں لاکھوں مسلمانوں نے یکجا ہو کر عید کی نماز ادا کی۔

لاہور کے دوسرے علاقوں کی طرح باغ جناح میں بھی عید الفطر کی نماز ادا کی گئی، کراچی کی سبیل والی مسجد گرومندر میں بھی عید الفطر کی نماز ادا کر دی گئی۔

چیئرمین نظریاتی کونسل مولانا راغب نعیمی نے لاہور میں جامعیہ نعیمہ میں عید الفطر کی نماز کی امامت کی۔

کراچی اور لاہور سمیت دیگر بڑے شہروں میں عید الفطر کی نماز کے بڑے اجتماعات کے پیش نظر پولیس اور رینجرز کی بھاری نفری تعینات کی گئی تھی۔

نماز کی ادائیگی کے بعد لوگوں نے ایک دوسرے سے بغل گیر ہوکر مبارکباد دی۔

نماز عید کی ادائیگی کے بعد بیشتر شہریوں نے قبرستانوں کا رخ کیا اور اپنے مرحومین کی قبروں پر فاتحہ خوانی کی۔

نماز عید کے بعد اب گھروں میں ناشے کے بعد میٹھے کا دور چلے گا اور پھر بچوں میں عیدی تقسیم کی جائے گی، گھروں پر مہمانوں کی ا?مد و رفت کا سلسلہ بھی وقفے وقفے سے جاری رہے گا۔

عید کی مناسبت سے گھروں میں خصوصی پکوان تیار کیے جائیں گے جبکہ ناشتے میں شہری کچوری، حلوہ پوری سے ناشتہ کریں گے۔

کراچی میں نماز عید کے بڑے اجتماعات نیومیمن مسجد بولٹن مارکیٹ، جامع مسجد آرام باغ، جناح مسجد برنس روڈ، گلزار حبیب سولجربازار، فیضان مدینہ سبزی منڈی سمیت دیگرمساجد اور امام بارگاہوں میں منعقد کیے گئے۔