سٹاک مارکیٹ میں آج تاریخ رقم، 100 انڈیکس 96 ہزار 345 پوائنٹس کی بلند ترین سطح پر پہنچ گیا

فائل:فوٹو
کراچی: پاکستان سٹاک مارکیٹ میں آج ایک اور تاریخ رقم ہوئی،سٹاک مارکیٹ میں آج تاریخ رقم، 100 انڈیکس 96 ہزار 345 پوائنٹس کی بلند ترین سطح پر پہنچ گیا، 100 انڈیکس ملکی تاریخ کی نئی بلندیوں کو چھو گیا۔ 100 انڈیکس 444 پوائنٹس اضافے سے 96 ہزار 345 پوائنٹس کی بلند ترین سطح پر پہنچ گیا۔

کاروباری ہفتے کے تیسرے روز پاکستان سٹاک ایکسچینج میں مثبت رجحان دیکھنے کو مل رہا ہے، ایک موقع پر 100 انڈیکس 444 پوائنٹس اضافے سے 96 ہزار 345 پوائنٹس کی بلند ترین سطح پر پہنچ گیا۔

گزشتہ روز پاکستان سٹاک مارکیٹ میں 100 انڈیکس نے کاروبار کے دوران نئی بلند ترین سطح 96 ہزار 36 بنائی تھی۔
کاروباری ہفتے کے دوسرے روز پاکستان سٹاک ایکسچینج میں کاروبار کا آغاز مثبت زون میں ہوا تھا اور بعدازاں پاکستان سٹاک ایکسچینج میں 100 انڈیکس 860 پوائنٹس کے اضافے سے95 ہزار 856 پوائنٹس پر بند ہوا تھا۔

واضح رہے کہ پیر کے روز کاروبار کے اختتام پر 100 انڈیکس 94 ہزار 995 پوائنٹس پر بند ہوا تھا اور سٹاک مارکیٹ میں 19 ارب 37 کروڑ 58 لاکھ 54 ہزار 288 روپے مالیت کے 37 کروڑ 78 لاکھ 88 ہزار 671 شیئرز کا لین دین ہوا تھا۔