بین الاقوامی دفاعی نمائش آئیڈیا 2024 میں بھارت سمیت دنیا کے55 ممالک کے 550 اسٹالز شامل

فوٹو : فائل

کراچی : کراچی میں آج سے دفاعی نمائش آئیڈیاز 2024 کے 12ویں ایڈیشن کا آغاز ہورہا ہے، کراچی ایکسپو سینٹر میں وزارت دفاع اور ڈیفنس ایکسپورٹ پروموشن آرگنائزیشن (ڈیپو) کے زیر انتظام 4 روزہ بین الاقوامی دفاعی نمائش کا افتتاح وزیراعظم شہبازشریف کریں گے.

آئیڈیاز 2024 ہر دو سال بعد ہونیوالے اس 12ویں انٹرنیشنل ڈیفنس ایگزیبیشن اینڈ سیمینار میں پاکستان اور دوست ممالک کی دفاعی مہارتوں، آلات، ٹیکنالوجی کی نمائش کی تیاریاں مکمل ہوچکی ہیں۔

اس حوالے سے ذرائع کے مطابق اس بین الاقوامی دفاعی نمائش آئیڈیا 2024 میں بھارت سمیت دنیا کے55 ممالک کے 550 اسٹالز شامل ہیں جو کہ نمائش کنندگان اسٹالز لگائے گئے ہیں، ترکیہ اور چین بھاری موجودگی کیساتھ شرکت کر رہے ہیں۔

ایران، اٹلی، برطانیہ پہلی بار نمائش میں شریک ہونیوالوں میں شامل ہیں ڈیپو کے زیر انتظام دفاعی نمائش 19 سے 22 نومبر جاری رہے گی۔

آئیڈیاز 2024میں ایشیا، مشرق وسطیٰ اور جنوب مغربی ایشیا کے اہم ممالک بالخصوص سعودی عرب، متحدہ عرب امارات، قطر، بحرین، ترکی، ایران، یمن، چین، بھارت، جاپان، ملائیشیا، سنگاپور اور دیگر ممالک شامل ہونگے۔