وزیراعظم شہباز شریف اور بلاول بھٹو زرداری کی الیکشن جیتنے پرٹرمپ کو مبارکباد

فائل:فوٹو

اسلام آباد : وزیراعظم شہباز شریف اور بلاول بھٹو زرداری کی الیکشن جیتنے پرٹرمپ کو مبارکباد،شہبازشریف نومنتخب امریکی صدر ڈونلڈ ٹرمپ کو الیکشن میں دوسری بار کامیابی پر مبارک باد دی ہے۔

وزیراعظم شہباز شریف نے اپنے ٹویٹرپیغام میں لکھا کہ ڈونلڈ ٹرمپ نے امریکی انتخابات میں تاریخی کامیابی حاصل کی ہے۔

انہوں نے کہا کہ ہم نئی امریکی انتظامیہ کے ساتھ مل کرکام کرنے کے خواہاں ہیں۔ نئی امریکی انتظامیہ کے ساتھ تعلقات مزید مستحکم بنانے کیلئے پرعزم ہیں

سماجی رابطے کی ویب سائٹ ایکس پر جاری کیے گئے بیان میں سابق وزیرخارجہ بلاول بھٹو زرداری نے کہا ہے کہ امریکی عوام نے ڈونلڈ ٹرمپ اور ان کی ٹیم کو زبردست فتح دی ہے۔

انہوں نے کہا کہ اْمید ہے کہ نئی امریکی انتظامیہ امن کو اولین ترجیح دے گی اور دنیا بھر میں جاری تنازعات کو ختم کرنے میں مدد کرے گی۔

بلاول بھٹو زرداری کا کہنا ہے کہ ڈونلڈ ٹرمپ کو یہ مینڈیٹ جنگ کی مخالفت کرنے کی وجہ سے ملا ہے۔

یاد رہے کہ امریکی صدارتی انتخابات میں ڈونلڈ ٹرمپ کامیاب ہو گئے ہیں، وہ امریکا کے 47 ویں صدر منتخب ہوئے ہیں