جیل میں بشریٰ بی بی کو بے جا تنگ کیا جا رہا ہے،بیرسٹر سیف

فائل:فوٹو
پشاور: مشیر اطلاعات خیبر پختونخوا بیرسٹر ڈاکٹر سیف نے الزام عائد کیا ہے کہ جیل میں بشریٰ بی بی کو بے جا تنگ کیا جا رہا ہے۔ بشریٰ بی بی کے ذریعے بانی پی ٹی آئی کو توڑنے کی ناکام کوشش کی جا رہی ہے

اپنے ایک بیان میں بیرسٹر سیف کا کہنا تھا کہ با پردہ خاتون کی کیمروں کے سامنے تلاشی لے کر تضحیک کی جا رہی ہے، رات کو نیند سے جگا کر سیل کی تلاشی کے بہانے ذہنی اذیت دی جا رہی ہے، راتوں کو جگا کر بالوں کی تلاشی بھی لی جا رہی ہے۔

انہوں نے کہا کہ بشریٰ بی بی کے ذریعے بانی پی ٹی آئی کو توڑنے کی ناکام کوشش کی جا رہی ہے، بشریٰ بی بی عمران خان کے ساتھ ڈٹ کر کھڑی ہیں۔

صوبائی مشیر اطلاعات کا کہنا تھا کہ خواتین پر ظلم کے پہاڑ توڑے جا رہے ہیں، پشاور کی بزرگ خاتون کو بھی گرفتار کر کے پابند سلاسل کیا گیا۔