فائل:فوٹو
راولپنڈی:بانی تحریک انصاف عمران خان کی اہلیہ بشریٰ بی بی کی 190 ملین پاوٴنڈز کیس میں بریت کی درخواست پر فیصلہ آج سنایا جائے گا۔
احتساب عدالت کے جج ناصر جاوید رانا 190 ملین پاوٴنڈز ریفرنس کیس کی سماعت آج اڈیالہ جیل میں کریں گے، اس دوران ریفرنس کے اہم ترین گواہ تفتیشی افسر میاں عمر ندیم پر جرح کی جائے گی
احتساب عدالت کیس میں بشریٰ بی بی کی جانب سے بریت کی درخواست پر محفوظ فیصلہ آج سنائے گی۔
190 ملین پاوٴنڈز ریفرنس کیس میں تفتیشی افسر میاں عمر ندیم پر جرح بانی پی ٹی آئی اور بشریٰ بی بی کے وکلا عثمان ریاض گل اور چوہدری ظہیر عباس کریں گے جب کہ نیب کی جانب سے ڈپٹی پراسیکیوٹر جنرل سردار مظفر عباسی، امجد پرویز ، عرفان بھولا، چوہدری نذر عدالت میں پیش ہوں گے۔
یاد رہے کہ تفتیشی افسر میاں عمر ندیم پر وکلا صفائی جزوی جرح کر چکے ہیں۔ گزشتہ روز بانی پی ٹی آئی کے وکیل چوہدری ظہیر عباس کی سپریم کورٹ میں مصروفیت کے باعث تفتیشی افسر پر جرح نہیں ہوسکی تھی۔
Comments are closed.