فائل:فوٹو
اسلام آباد: وزیر خارجہ اور ڈپٹی وزیراعظم اسحاق ڈار کا کہنا ہے کہ پی ڈی ایم اے کی حکومت کا صرف ایک ایجنڈا تھا کہ ملک کو دیوالیہ ہونے سے بچانا ہے اگر پاکستان پر 130 ارب ڈالر کا غیرملکی قرض ہے تو پریشان نہ ہوں۔
اسلام آباد میں ایک تقریب سے خطاب میں وزیرخارجہ اسحاق ڈار نے کہا کہ پاکستان کی معیشت میں بہت صلاحیت ہے۔ اگر ملک پر 130 ارب ڈالر کا قرض ہے تو پریشان نہ ہوں۔
اسحاق ڈار کا مزید کہنا تھا کہ پاکستان کے پاس 10 ہزار ڈالر سے زائد کی معدنیات ہیں۔ پی ڈی ایم اے کی حکومت کا صرف ایک ایجنڈا تھا کہ ملک کو دیوالیہ ہونے سے بچانا ہے۔ اسٹاک مارکیٹ کے مرجر کے لیے بہت محنت کی۔ ہمارے 2016 کے دور حکومت میں تینوں اسٹاک مارکیٹ کا مرجر کیا گیا۔
انہوں نے کہا کہ ایس ای سی پی کو قانون سازی میں معاونت کی یقین دہانی کراتے ہیں۔ چیئرمین ایس ای سی پی کو پارلیمنٹ سے جو تعاون درکار ہے ملے گا۔ ایس ای سی پی کی اصلاحات کے لیے بروقت قانونی سازی کی جائے گی۔
اسحاق ڈار نے مزید کہاکہ ایس ای سی پی پاکستان کے ماہرین پر مشتمل بہترین ادارہ ہے۔ ایس ای سی پی قانون میں ضروری ترامیم کے لیے وزارت قانون سے مشاورت کرے۔
Comments are closed.